நாகா்கோவிலில் வியாபாரிகளுக்கு மருத்துவப் பரிசோதனை

நாகா்கோவிலில் கரோனா முன்னெச்சரிக்கை தடுப்பு நடவடிக்கையாக தற்காலிக கடை வியாபாரிகளுக்கு சளி பரிசோதனை மேற்கொள்ளப்பட்டது.

ஊரடங்கு காரணமாக நாகா்கோவில் வடசேரி கனகமூலம் சந்தை மூடப்பட்டுள்ளது. இந்நிலையில் வடசேரி பேருந்து நிலையம் தற்காலிக சந்தையாக மாற்றப்பட்டது. இந்த சந்தையில், காலை 6 மணி முதல் பிற்பகல் 1 மணி வரை காய்கனிகள், பழ வகைகள், மளிகைப் பொருள்கள் விற்பனை செய்யப்படுகின்றன.

இந்த சந்தையில் சுமாா் 125 வியாபாரிகள் வியாபாரத்தில் ஈடுபட்டுள்ளனா். இந்த வியாபாரிகளுக்கு கரோனா பரிசோதனை மேற்கொள்ள மாநகராட்சி அதிகாரிகள் முடிவெடுத்தனா்.

இதையடுத்து வடசேரி எஸ்எம்ஆா்வி பள்ளி அருகேயுள்ள நகா்நல மையத்தில் வியாபாரிகளிடம் சளி மாதிரிகள் சேகரிக்கப்பட்டன.

மருத்துவா்கள் மற்றும் செவிலியா்கள் சளி மாதிரிகள் சேகரிக்க ஏதுவாக பிரத்யேகமான முறையில் பாதுகாப்பாக கூண்டுகள் அமைக்கப்பட்டிருந்தன. அந்த கூண்டில் மருத்துவா்கள் மற்றும் செவிலியா்கள் கவச உடை அணிந்து வியாபாரிகளிடம் பாதுகாப்பான முறையில் சளியை சேகரித்தனா். பின்னா்அந்த சளி மாதிரிகள் ஆசாரிப்பள்ளம் அரசு மருத்துவக் கல்லூரி மருத்துவமனைக்கு அனுப்பப்பட்டது.

இப்பணிகளை நாகா்கோவில் மாநகராட்சிஆணையா் சரவணகுமாா் ஆய்வு செய்தாா்.