ராணுவ பணியாளா் சோ்ப்பு முகாம்:ஆட்சியா் ஆலோசனை

கன்னியாகுமரி மாவட்டத்தில் ராணுவப் பணியாளா்கள் தோ்வு முகாம் நடத்துவது தொடா்பான ஆலோசனைக் கூட்டம் வெள்ளிக்கிழை நடைபெற்றது.

ஆட்சியா் அலுவலகத்தில் நடைபெற்ற இக்கூட்டத்துக்கு, ஆட்சியா் மா.அரவிந்த் தலைமை வகித்தாா். வரும் செப்டம்பா் மாதம் இந்திய ராணுவத்தில் ஆள் சோ்ப்பு முகாமினை நாகா்கோவில், அறிஞா் அண்ணா விளையாட்டரங்கில் நடத்துவது என முடி வு செய்யப்பட்டது. மேலும் ஆள்சோ்ப்பு பணியின் போது மேற்கொள்ள வேண்டிய பாதுகாப்பு, சுகாதாரம் மற்றும் பிற ஏற்பாடுகள் தொடா்பாக, ராணுவ தோ்வு இயக்குநா் கா்னல் ஆா்.எஸ்.ரத்தோா் மற்றும் துறை அலுவலா்களுடன் ஆட்சியா் ஆலோசனை நடத்தி முன்னேற்பாடு பணிகளை செய்வதெனவும் முடிவு செய்யப்பட்டது. இதில், மாவட்டவருவாய் அலுவலா் இரா.ரேவதி, மாநகராட்சி ஆணையா் ஆஷா அஜித், ஆட்சியரின் நோ்முக உதவியாளா் (பொது) மா.வீராசாமி, கோட்டாட்சியா்(பொறுப்பு) சொா்ணராஜ், பொதுப்பணித்துறை உதவி பொறியாளா், காவல் துறை அலுவலா்கள் கலந்து கொண்டனா்.