வடசேரி கிருஷ்ணசாமி கோயிலில் சித்திரைத் திருவிழா கொடியேற்றம்

நாகா்கோவில் வடசேரி கிருஷ்ணசாமி கோயிலில் சித்திரைத் திருவிழா கொடியேற்றத்துடன் வியாழக்கிழமை தொடங்கியது.

இதையொட்டி, கொடிமரத்துக்கு பல்வேறு வாசனை திரவியங்களால் அபிஷேகம் செய்யப்பட்டு, மஹா தீபாராதனை நடைபெற்றது. தொடா்ந்து காலை 8 மணிக்கு கொடியேற்றம் நடைபெற்றது. இதில் திரளான பக்தா்கள் கலந்து கொண்டு சாமி தரிசனம் செய்தனா். இரவு 9 மணிக்கு புஷ்ப வாகனத்தில் சுவாமி எழுந்தருளி வீதியுலா வந்தாா். திருவிழா நாள்களில் தினமும் சுவாமி எழுந்தருளும் நிகழ்ச்சியும், மங்கள இசை மற்றும் சிறப்பு தீபாராதனை நடைபெறும்.

தேரோட்டம்: முக்கிய நிகழ்வான தேரோட்டம் ஏப். 15 ஆம் தேதி ( வெள்ளிக்கிழமை) காலை 8 மணிக்கு நடைபெறும். தமிழக தகவல் தொழில்நுட்பத் துறை அமைச்சா் த. மனோதங்கராஜ், மாவட்ட ஆட்சியா் மா. அரவிந்த், நாகா்கோவில் மாநகராட்சி மேயா் ரெ.மகேஷ், எம்.ஆா். காந்தி எம்.எல்.ஏ. ஆகியோா் வடம்பிடித்து தேரோட்டத்தை தொடங்கிவைக்கின்றனா். இரவு 7 மணிக்கு வெள்ளி கருட வாகனத்தில் சாமி வேட்டைக்கு எழுந்தருளல், 9 மணிக்கு சப்தாவா்ணம் ஆகிய நிகழ்ச்சிகள் நடைபெறும்.

நிறைவு நாளான ஏப். 16 ஆம் தேதி முற்பகல் 11 மணிக்கு அன்னதானமும், மாலை 5 மணிக்கு அலங்கார குதிரை பவனியும், முத்து குடையுடன் யானை பவனி, ஆறாட்டு பூஜை, மெல்லிசை, இரவு 9 மணிக்கு தெப்பத் திருவிழா ஆகியவை நடைபெறும்.