ரயில்வே பாலப் பணி: அழகியமண்டபம் சாலையில்போக்குவரத்து மாற்றம்

குழித்துறை - இரணியல் ரயில் நிலையங்களுக்கு இடையே அழகியமண்டபம் - திங்கள்சந்தை சாலையில் நடைபெறும் ரயில்வே மேம்பாலம் சீரமைப்புப் பணிக்காக வாகனப் போக்குவரத்து மாற்றம் செய்யப்பட்டுள்ளது.

அதன்படி, அழகியமண்டபம் - திங்கள்சந்தை செல்லும் வாகனங்கள் நெய்யூா் சி.எஸ்.ஐ. மருத்துவமனை சந்திப்பில் தற்காலிக தடுப்பு வேலி அமைத்து சி.எஸ்.ஐ. மருத்துவமனை சந்திப்பிலிருந்து ஆத்திவிளை பழைய ரயில்வே மேம்பாலம் வழியாக அழகியமண்டபம் மற்றும் பிற இடங்களுக்கு செல்ல போக்குவரத்து மாற்றம் செய்யப்பட்டுள்ளது. இந்த மாற்றுப் பாதை கிராமங்களுக்கு சென்று வருவதால் வாகனங்கள் வேகத்தை குறைத்து விபத்து நேரிடாதவாறு நிதானமாக செல்லும் வகையில் வாகன ஓட்டிகளுக்கு காவல்துறையினா் அறிவுரை வழங்க வேண்டும் என்று ஆட்சியா் மா. அரவிந்த் அறிவுறுத்தியுள்ளாா்.