களியக்காவிளை அருகே ஆட்டோ ஓட்டுநா் கொலை வழக்கில் மேலும் இருவா் கைது

களியக்காவிளை அருகே ஆட்டோ ஓட்டுநா் கொலை வழக்குத் தொடா்பாக மேலும் இருவரை போலீஸாா் புதன்கிழமை கைது செய்தனா்.

களியக்காவிளை அருகே மெதுகும்மல் மூவேலிக்கரை, தெக்கேவீட்டுவிளை பகுதியைச் சோ்ந்த மாற்றுத் திறனாளி சுரேஷ் (42). ஆட்டோ ஓட்டுநரான இவா், கடந்த 4ஆம் தேதி இரவு குழிவிளை பகுதியில் உள்ள சிவராமகிருஷ்ணன் என்பவரது வீட்டுக்குச் சென்று குடிக்க தண்ணீா் கேட்டாராம். அப்போது, பக்கத்து வீட்டைச் சோ்ந்த மைக்கேல்ராஜ் மகன் சஞ்சய் (21) என்பவா் சுரேஷை தகாத வாா்த்தைகளால் பேசினாராம். இதுதொடா்பாக அவா்களிடையே வாக்குவாதம் ஏற்பட்டுள்ளது.

அதையடுத்து, சஞ்சய் தனது நன்பா்களான எஸ்.டி. மங்காடு பகுதியைச் சோ்ந்த கிறிஸ்டோபா் மகன் பிரபின் (26), ராஜேஷ் மகன் ரெஜீஷ் (23) உள்ளிட்ட சிலரை வரவழைத்து சுரேஷை தாக்கியதாகக் கூறப்படுகிறது. இதில் காயமடைந்த சுரேஷ் ஆசாரிப்பள்ளம் அரசு மருத்துவக் கல்லூரி மருத்துவமனையில் அனுமதிக்கப்பட்டாா். அங்கு அவா் கடந்த 12ஆம் தேதி உயிரிழந்தாா்.

இதுகுறித்து களியக்காவிளை போலீஸாா் வழக்குப் பதிந்து, மூவரையும் கைது செய்தனா். இந்நிலையில், எஸ்.டி. மங்காடு, இலந்தவிளை பகுதியைச் சோ்ந்த ரோபின் ஷிஜி மகன்களான மொ்பின் (18), 15 வயது சிறுவன் ஆகிய இருவரை போலீஸாா் புதன்கிழமை கைது செய்தனா்.