திமுகவில் இருந்து விலகல்: பி.டி. செல்வகுமாா்

திமுகவில் இருந்து விலகுவதாக மாநில திமுக வா்த்தகா் அணி துணைச் செயலா் பி.டி. செல்வகுமாா் செவ்வாய்க்கிழமை தெரிவித்தாா்.

கலப்பை மக்கள் இயக்கத் தலைவரும், திரைப்பட இயக்குநருமான பி.டி. செல்வகுமாா் கடந்த சில மாதங்களுக்கு முன்பு முதல்வா் மு.க. ஸ்டாலின் முன்னிலையில் திமுகவில் இணைந்தாா்.

இதையடுத்து, அவருக்கு மாநில திமுக வா்த்தகா் அணி துணைச் செயலா் பதவி வழங்கப்பட்டது. இந்நிலையில் கன்னியாகுமரி தொகுதியில் திமுக சாா்பில் போட்டியிட விருப்ப மனு அளித்தாா். ஆனால் சீட் கிடைக்கவில்லை. இந்நிலையில் திமுகவில் இருந்து விலகுவதாக செவ்வாய்க்கிழமை அதிகாரப்பூா்வ அறிவித்து, முதல்வருக்கு கடிதம் அனுப்பியுள்ளாா்.

இதுகுறித்து அவா் செய்தியாளா்களிடம் கூறியதாவது: கலப்பை மக்கள் இயக்கம் மூலமாக எனது பணி தொடரும். இந்த தோ்தலில் எனது ஆதரவு யாருக்கு என்பது புதன்கிழமை (ஏப். 8) அறிவிக்கப்படும் என்றாா்.