கல்லூரி மாணவர்களிடையே தகராறு

பாளையங்கோட்டையில் கல்லூரி மாணவர்களிடையே புதன்கிழமை ஏற்பட்ட தகராறில் இருவருக்கும் காயம் ஏற்பட்டது. 
 திருநெல்வேலி அருகே தேவர்குளத்தைச் சேர்ந்தவர் அஜய்.  பாளையங்கோட்டை அன்புநகரைச் சேர்ந்தவர் முகேஷ். இருவரும் பாளையங்கோட்டையிலுள்ள கல்லூரியில் முதலாமாண்டு பயின்று வருகின்றனர். நான்குனேரி  வட்டம், விஜயநாராயணம் பகுதியைச் சேர்ந்த ராஜா (20).  இவரும், அதே கல்லூரியில் மூன்றாமாண்டு படித்து வருகிறார். அஜய், ராஜா ஆகியோரிடையே சில தினங்களுக்கு முன்பு தகராறு ஏற்பட்டதாம். இதனைத் தொடர்ந்து மாணவர்களை அழைத்து கல்லூரி நிர்வாகம் சமாதானம் செய்து அனுப்பினராம். இதனிடையே, புதன்கிழமை மீண்டும் இம்மாணவர்களிடையே தகராறு ஏற்பட்டதாம். இதில், ராஜா சக மாணவர்களுடன் சென்று அஜய், முகேஷ் ஆகியோரை தாக்கினராம். 
இதில், இருவருக்கும் காயம் ஏற்பட்டதாம். இது குறித்து பாளையங்கோட்டை போலீஸார் வழக்குப் பதிந்து விசாரணை நடத்தினர்.