பக்ரீத்: குர்பானிக்காக உபகரணங்கள் அளிப்பு

பக்ரீத் பண்டிகைக்காக ஆடு, மாடுகளை குர்பானி கொடுக்கும்போது,, சுகாதாரத்தைப் பேணும் வகையில், மேலப்பாளையத்தில் மக்களுக்கு துணிப் பைகள், விரிப்புகள் ஞாயிற்றுக்கிழமை வழங்கப்பட்டன.
இதையொட்டி, மேலப்பாளையம் மண்டல அலுவலகத்தில் நடைபெற்ற நிகழ்ச்சியில், முஸ்லிம் ஜமாஅத் நிர்வாகிகள், முஸ்லிம்களுக்கு துணி விரிப்பு, பைகள் மற்றும் கிருமி நாசினி பவுடர் போன்றவற்றை மாநகராட்சி நகர்நல அலுவலர் சத்தீஸ்குமார் வழங்கினார். உதவி ஆணையர் கவிதா, சுகாதார அலுவலர் சாகுல்ஹமீது, உதவிச் செயற்பொறியாளர் நாராயணன், சுகாதார ஆய்வாளர்கள் சங்கரநாராயணன், அந்தோணி உள்ளிட்டோர் கலந்து கொண்டனர். மேலும், மேலப்பாளையம் பகுதியில் மக்களிடம் இருந்து குர்பானி கழிவுகளைச் சேகரிக்கவும் நடவடிக்கை எடுக்கப்பட்டுள்ளதாக மாநகராட்சி அதிகாரிகள் தெரிவித்தனர்.