விவேகானந்த கேந்திரக் கூட்டம்

விவேகானந்த கேந்திரத்தின் திருநெல்வேலி கிளைக்கூட்டம் பாளை.யில் நடைபெற்றது. 
 கேந்திர பொறுப்பாளர் சொ.முத்துசாமி தலைமை வகித்தார். கலா நாகராஜன் அறிக்கை வாசித்தார். அந்தமான்-நிகோபார் தீவுகளில் கேந்திர தொண்டர்களின் பணி என்ற தலைப்பில் பன்னீர்செல்வம் சொற்பொழிவாற்றினார். 
ஜூலை 4 ஆம் தேதி கன்னியாகுமரியில் நடைபெற உள்ள விவேகானந்தர் நினைவு நாள் நிகழ்ச்சியில் உறுப்பினர்கள் குடும்பத்தோடு பங்கேற்பது, கேந்திரத்தில் உறுப்பினர் சேர்க்கையை தீவிரப்படுத்துவது உள்ளிட்ட தீர்மானங்கள் கூட்டத்தில் நிறைவேற்றப்பட்டன. வெள்ளைத்துரை, ஹரிஹரசுப்பிரமணியன் உள்பட பலர் கலந்துகொண்டனர்.