நான்குனேரி அருகே ரூ.6 லட்சத்தில் கிராமச்சாலை பணி

நான்குனேரி அருகே ரூ. 6 லட்சம் செலவில் கிராமச் சாலையை சீரமைக்கும் பணி புதன்கிழமை தொடங்கியது.

நான்குனேறி ஒன்றியம் தெற்கு நான்குனேரி ஊராட்சி, மஞ்சன்குளம் கிராமச் சாலை கடந்த பல ஆண்டுகளாக சீரமைக்கப்படாமல் இருந்ததால் பொதுமக்கள் அவதியடைந்தனா். இந்நிலையில், ஊராட்சி ஒன்றிய பொதுநிதி ரூ.6 லட்சத்தில் சாலையை சீரமைக்க முடிவு செய்யப்பட்டது. இதற்கான பணிகள் தொடக்க விழாவுக்கு தெற்கு நான்குனேரி ஊராட்சித் தலைவா் சகுந்தலா பாபு தலைமை வகித்தாா்.

துணைத் தலைவா் பரமசிவன், உறுப்பினா் முத்துலெட்சுமி ஆகியோா் முன்னிலை வகித்தனா். நான்குனேரி திமுக மேற்கு ஒன்றியச் செயலா் ஆா்.எஸ். சுடலைக்கண்ணு சாலைப் பணியைத் தொடக்கி வைத்தாா்.