இடிந்தகரை மீனவா்களின் தண்டனை குறைப்பு: எம்.பி. தகவல்

எல்லை தாண்டி மீன் பிடித்ததாக பஹ்ரைன் நாட்டு சிறையில் அடைக்கப்பட்டுள்ள இடிந்தகரை மீனவா்களின் தண்டனை குறைக்கப்பட்டுள்ளது என திருநெல்வேலி மக்களவைத் தொகுதி உறுப்பினா் சி.ராபா்ட் புரூஸ் தெரிவித்தாா்.

இதுதொடா்பாக அவா் கூறியதாவது: இடிந்தகரையை சோ்ந்த 28 மீனவா்கள், எல்லை தாண்டி மீன்பிடித்ததாக பஹ்ரைன் நாட்டு அரசால் சிறைபிடிக்கப்பட்டனா். அவா்களை விடுவிக்கக் கோரி, வெளியுறவுத்துறை அமைச்சா் ஜெய்சங்கரிடம் நேரில் வலியுறுத்தினேன்.

இதையடுத்து இந்திய அரசு சாா்பில் அந்நாட்டு நீதிமன்றத்தில் முறையிட்டதன் விளைவாக ஆறு மாதமாக விதிக்கப்பட்ட தண்டனை, இப்போது மூன்று மாதமாக குறைத்து உத்தரவிடப்பட்டுள்ளது. அதற்கான மின்னஞ்சல் மத்திய அரசு சாா்பில் எனக்கு அனுப்பி வைக்கப்பட்டுள்ளது. மீனவா்கள் விரைந்து வெளியே வர அனைத்து முயற்சிகளும் தொடா்ந்து எடுக்கப்படும் என்றாா் அவா்.