கோவில்பட்டி ஸ்ரீகரா பள்ளி ஆண்டு விழா

கோவில்பட்டி ஸ்ரீகரா வித்யா மந்திர் (சி.பி.எஸ்.இ.) பள்ளியின் 4ஆவது ஆண்டு விழா நடைபெற்றது.

இவ்விழாவுக்கு, பள்ளி நிர்வாகி செந்தில்குமார் தலைமை வகித்தார். பள்ளித் தாளாளர் ஷியாமளா செந்தில்குமார் குத்துவிளக்கு ஏற்றி விழாவைத் தொடங்கிவைத்துப் பேசினார்.

திரைப்பட இயக்குநர் கரு.பழனியப்பன் சிறப்பு விருந்தினராகக் கலந்துகொண்டு, பள்ளித் தேர்வில் முதல் மதிப்பெண் பெற்ற மற்றும் போட்டிகளில் வெற்றிபெற்ற மாணவர், மாணவிகளுக்கும் பரிசுகளை வழங்கிப் பேசினார்.  பாரத் வித்யா பவன் பள்ளித் தாளாளர் செந்தில் பழனி, ஒட்டன்சத்திரம் தொழிலதிபர் கே.எஸ்.மணி ஆகியோர் தலைமை விருந்தினர்களாகக் கலந்துகொண்டனர். பள்ளி முதல்வர் முத்துக்குமார் ஆண்டறிக்கை வாசித்தார்.  பள்ளியின் செயல்பாடுகள் குறித்து பள்ளி இயக்குநர் ராஜேஷ் பேசினார்.

மாணவர், மாணவிகளின் கலை நிகழ்ச்சிகள் நடைபெற்றன. பள்ளி மாணவர் தலைவி ஹர்சினி நன்றி கூறினார்.