லட்சுமி அம்மாள் பாலிடெக்னிக் கல்லூரியில் இன்று வளாக நேர்காணல்

கோவில்பட்டி லட்சுமி அம்மாள் பாலிடெக்னிக் கல்லூரியில் வெள்ளிக்கிழமை (ஆக. 17)  வளாக நேர்காணல் நடைபெறுகிறது. 
இதுகுறித்து கல்லூரி முதல்வர் ராஜேஸ்வரன் வெளியிட்ட அறிக்கை:  சென்னை ரீஜென் இன்ப்ராஸ்ட்ரக்சர் அன்ட் சர்வீசஸ் பிரைவேட் லிமிடெட் நிறுவனத்தில் பணிபுரிவதற்காக மின்னியல் மற்றும் மின்னணுவியல் துறையில் டிப்ளமோ தேர்வு பெற்றவர்களுக்கான வளாக நேர்காணல் லட்சுமி அம்மாள் பாலிடெக்னிக் கல்லூரியில் வெள்ளிக்கிழமை  நடைபெறுகிறது. 
இதில், மின்னியல் மற்றும் மின்னணுவியல் துறையில் 2016-17, 2017-18ஆம் கல்வியாண்டுகளில் டிப்ளமோ படித்து 60 சதவீதத்துக்கு மேல் மதிப்பெண் பெற்று தேர்ச்சியடைந்த ஆண்கள் மட்டும் பங்கேற்கலாம். 
நேர்முகத் தேர்வு காலை 9.30  மணியளவில் நடைபெறும். விருப்பமுள்ளோர் பயோடேட்டா, கல்வித் தகுதிக்கான அனைத்துச் சான்றிதழ்கள் (அசல், நகல்களுடன்), ஆதார்  அட்டை, பாஸ்போர்ட் அளவுள்ள புகைப்படத்துடன் பங்கேற்கலாம் என்றார் அவர்.