சாத்தான்குளம் கல்லூரியில் போட்டித் தேர்வுக்கு பயிற்சி

சாத்தான்குளம் மனோன்மணீயம் சுந்தரானார் பல்கலைக்கழக உறுப்புக் கல்லூரி, திருநெல்வேலி மாவட்ட வேலைவாய்ப்பு மையத்துடன் இணைந்து  டிஎன்பிஎஸ்சி போட்டித் தேர்வுகளுக்கான பயிற்சி வகுப்பை தொடங்கியுள்ளது.
இதையொட்டி, கல்லூரியில் நடைபெற்ற விழாவுக்கு, திருநெல்வேலி மாவட்ட வேலைவாய்ப்புத் துறை அதிகாரி மரிய சகாய ஆண்டனி  தலைமை வகித்து, பயிற்சியைத் தொடங்கி வைத்தார். கல்லூரி முதல்வர் சாந்தகுமாரி வரவேற்றார். பேராசிரியை மீனா நிகழ்ச்சியைத் தொகுத்து வழங்கினார். அமுதவாணி, இளநிலை வேலைவாய்ப்புத்துறை அதிகாரிகள்  மணிகணேஷ், சண்முகவேல் ஆகியோர் பேசினர். 
இதில் ஒரு வருட பயிற்சி வகுப்புகளுக்கான ஒருங்கிணைப்பாளர்களாக பேராசிரியைகள் அமுதா, நீமாதேவ் பொபீனா, மீனா ஆகியோர் நியமிக்கப்பட்டனர். மாணவிகள் இப்பயிற்சி முகாமை  பயன்படுத்திக்கொள்ள வேண்டும் என அதிகாரிகள் அறிவுறுத்தினர்.  பேராசிரியை நீமா தேவ் பொபீனா நன்றி கூறினார்.