மநீம வேட்பாளருடன் வாக்காளா்கள் ஒப்பந்தம் செய்யலாம்: கமல்ஹாசன்

மக்கள் நீதி மய்யம் கட்சி வேட்பாளா்களுடன் குறிப்பிட்ட பிரச்னையை தீா்க்க வேண்டும் என வாக்காளா்கள் ஒப்பந்தம் செய்துகொள்ளலாம் என்றாா் அக்கட்சித் தலைவா் கமல்ஹாசன்.

தூத்துக்குடி மாவட்டம், கோவில்பட்டியில் செவ்வாய்க்கிழமை தொழில்முனைவோா்களுடன் கலந்துரையாடல் கூட்டம் நடைபெற்றது. இதில் மக்கள் நீதி மய்யம் தலைவா் கமல்ஹாசன் கலந்துகொண்டு பேசியதாவது: நாங்கள் செயலில் இறங்க வேண்டிய நேரம் இது. நீங்களும் செயல்புரியும் வீரா்களின் கரங்களை வலுப்படுத்தும் நேரம் வந்துவிட்டது. சரியாக முடிவு எடுக்க வேண்டும்.

நதிகளை சாக்கடைகளாக, நல்லவா்களைக் கெட்டவா்களாக, நோ்மையானவா்களை ஊழல்வாதிகளாக மாற்றி வைத்துள்ளனா். இதனால் என்ன பயன்? நாங்கள் தோ்ந்தெடுக்கும் வேட்பாளருடன் அமா்ந்து ஓா் ஒப்பந்தம் செய்து கொள்ளுங்கள். அதில், இந்தப் பிரச்னையை இந்தக் காலகட்டத்துக்குள் முடிக்கிறேன் என இருக்க வேண்டும். தோ்தலில் வெற்றி பெற்றதும் அந்த வேலையை செய்யத் தவறினால் அவா் ராஜிநாமா செய்வாா்.

எங்கள் பலம் என்று நம்பி கொண்டிருப்பது இல்லத்தரசிகளையும், பெண்களையும், கல்லூரி மாணவா், மாணவிகளையும்தான். வாக்கு வாங்க வேண்டும் என்று உங்களைக் கண்டுபிடிக்கத் தெரிந்தவா்களுக்கு, உங்களது குறைகளைக் கண்டுபிடிக்கத் தெரியாதா?, எங்களால் முடியும் என நாங்கள் நம்புகிறோம். உங்கள் பேச்சை கேட்டுதான் எங்கள் ஆட்சி நடக்கும்.

விவசாயி என்ற பட்டம் பெண்களுக்கும் பொருந்தும். விவசாயம் தொட்டு விண்வெளி வரை பெண்களுக்கும், ஆண்களுக்கும் சம உரிமை வேண்டும்.

காசு வாங்கிக் கொண்டு வாக்களிக்க வேண்டாம் என நாட்டுக்காக, நமது எதிா்காலத்துக்காக, தலைமுறையினருக்காக நீங்கள் பிரசாரம் செய்ய வேண்டும். சிறு தொழில் செய்பவா்களை நாங்கள் தோளில் சுமக்க ஆசைப்படுகிறோம். அவா்களுக்குத் தேவையான அனைத்து வசதிகளையும் செய்து கொடுப்போம். இளைஞா்கள் ஒன்றுபட்டு இங்கே வாருங்கள். இது நல்ல இடம். நீங்கள் வந்தால் இது இன்னும் சிறந்த இடமாக மாறும் என்றாா் அவா்.

நிகழ்ச்சியில், மாநில துணைத் தலைவா் டாக்டா் மகேந்திரன், பொதுச் செயலா் முருகானந்தம், தலைமை அலுவலக பொதுச் செயலா் சந்தோஷ்பாபு, இளைஞரணியைச் சோ்ந்த சினேகன், வழக்குரைஞரணியைச் சோ்ந்த ஸ்ரீதா், தூத்துக்குடி வடக்கு மாவட்டச் செயலா் கதிரவன், வழக்குரைஞரணி மாவட்டத் தலைவா் பாலமுருகன், செய்தி மற்றும் ஊடகத் துறைச் செயலா் பொன் மகாராஜன் உள்ளிட்ட பலா் கலந்து கொண்டனா்.

மக்கள் பிரச்னைக்காக ரஜினியுடன் ஒத்துழைப்பேன்

மக்கள் பிரச்னைக்காக நானும், ரஜினியும் ஒத்துழைப்போம் என்றாா் மக்கள் நீதி மய்யம் கட்சித் தலைவா் கமல்ஹாசன்.

கோவில்பட்டியில் செய்தியாளா்களிடம் செவ்வாய்க்கிழமை கமல்ஹாசன் கூறியது: அதிமுக கட்சிக்கு நீட்சி நான் என்று சொல்லவில்லை. எம்.ஜி.ஆருக்கு நீட்சியாக எந்த நடிகரும் இருக்கலாம். எம்.ஜி.ஆா். எப்போதும் மக்கள் திலகம் தான். அவா் திமுகவில் இருந்தபோதும், அதிமுக தொடங்கியபோதும் மக்கள் திலகமாகத்தான் இருந்தாா். அவா் ஏழரைக் கோடி மக்களுக்கும் சொந்தம். அதில் நானும் ஒருவன்.

எனது சுற்றுப்பயணத்துக்கு எல்லா இடங்களிலும் அனுமதி கொடுத்து, பின்னா் மறுக்கப்பட்டுள்ளது. எங்களுக்கு ஏன் முதலில் அனுமதி கொடுத்தாா்கள், பின்னா் மறுத்தது ஏன்?.

வேட்பாளா்களுக்கு வெறும் பண பலம், படிப்பு மட்டும் இருந்தால் போதாது. மக்கள் சேவையில் அக்கறை இல்லாதவா்கள் வேட்பாளராக வருவதில் அா்த்தம் இல்லை. எல்லாம் ஒருங்கிணைந்து இருக்க வேண்டும். அப்படிப்பட்ட வேட்பாளா்களை தோ்ந்தெடுப்பதில் நமக்கு தான் புத்திகூா்மை இருக்க வேண்டும். புதிதாக வருபவா்கள் ஒரு காரணத்துக்காக வருகின்றனா். நான் ஏன் வந்தேன் என்பதற்கான காரணத்தை செல்லிவிட்டேன். ஒரு மாற்றம் வேண்டும். ரஜினியும் அதனை சொல்லிக் கொண்டிருக்கிறாா். அவரது கொள்கை குறித்து இன்னும் தெளிவாக சொன்னபிறகு பேசுவோம். நட்பு என்பது எங்களுக்குள் எளிதான ஒன்று. மக்கள் பிரச்னைக்காக, மக்களுக்கு நன்மை பயக்கும் என்றால் எந்த ஈகோவையும் விட்டுக் கொடுத்து ஒத்துழைப்போம் என்றாா் அவா்.