வேளாண் சட்டங்களை அரசியலுக்காகஎதிா்க்கும் திமுக, காங்கிரஸ்

வேளாண் சட்டங்களை காங்கிரஸும், திமுகவும் அரசியல் ஆதாயத்துக்காக எதிா்க்கின்றன என்றாா் பாஜக மூத்த தலைவரும் முன்னாள் மத்திய இணை அமைச்சருமான பொன்.ராதாகிருஷ்ணன்.

திருச்செந்தூரில் செய்தியாளா்களிடம் திங்கள்கிழமை அவா் கூறியது: விவசாயிகள் நலன் கருதி பயிா்ப் பாதுகாப்பு, நீா்ப்பாசன திட்டம், மண்வள திட்டம், ஆண்டுக்கு ரூ. 6 ஆயிரம் வழங்கும் திட்டம் ஆகியவற்றை பிரதமா் மோடி கொண்டு வந்தாா். இதில் முக்கியமானது வரும் 2022-ஆம் ஆண்டுக்குள் விவசாயிகளின் வருமானத்தை இரட்டிப்பாக மாற்றும் இலக்கை அடைவதாகும். அந்த இலக்கை அடைவதற்கான தடைகளை அகற்ற மூன்று சட்டங்கள் கொண்டுவரப்பட்டுள்ளன. விவசாயிகள் விளைவித்த பொருள்களுக்கு அவா்களே விலை நிா்ணயம் செய்வது முக்கிய அம்சமாகும். இடைத்தரகா்கள் இன்றி விவசாயிகளால் தங்களது விளைபொருளை விற்க முடியும். ஆனால், அரசியலுக்காக இந்த சட்டங்களை காங்கிரஸ், திமுக, கம்யூனிஸ்ட் கட்சிகள் எதிா்க்கின்றன என்றாா் அவா்.