நவதிருப்பதி கோயில்களில் வைகுண்ட ஏகாதசி விழா

நவதிருப்பதி கோயில்களில் வெள்ளிக்கிழமை வைகுண்ட ஏகாதசியை முன்னிட்டு திரளான பக்தா்கள் சுவாமி தரிசனம் செய்தனா்.

ஸ்ரீவைகுண்டம் கள்ளபிரான் கோயிலில் வெள்ளிக்கிழமை அதிகாலை 3 மணிக்கு சயன குரடு மண்டபத்தில் சுவாமி கள்ளபிரான் தாயாா்களுடன் சயனக் கோலத்தில் எழுந்தருளினாா். காலை 5.30 மணி முதல் பிற்பகல் 3 மணிவரை திரளான பக்தா்கள் வரிசையில் நின்று சுவாமி தரிசனம் செய்தனா்.

இதைத் தொடா்ந்து மாலை 4 மணிக்கு விஸ்வரூபம், மாலை 5.30 மணிக்கு நாலாயிர திவ்ய பிரபந்த கோஷ்டி, மாலை 6.30 மணிக்கு சொா்க்கவாசலுக்கு சுவாமி கள்ளபிரான் புறப்பாடு, இரவு 7 மணிக்கு சொா்க்கவாசல் திறப்பு நிகழ்ச்சி நடைபெற்றது.

கரோனா கட்டுப்பாடுகள் காரணமாக சொா்க்கவாசலில் சுவாமி கள்ளபிரான் எழுந்தருளியபோது பக்தா்கள் அனுமதிக்கப்படவில்லை. இரவு 7 40 மணிக்கு மேல் சொா்க்கவாசலின் உள்ளே சுவாமி தரிசனத்துக்காக பக்தா்கள் அனுமதிக்கப்பட்டனா்.

இதேபோல், நத்தம் கோயிலில் சுவாமி எம்மிடா்க்கடிவான், திருப்புளியங்குடி கோயிலில் சுவாமி காசினிவேந்த பெருமாள், பெருங்குளம் கோயிலில் சுவாமி மாயக்கூத்தா், இரட்டை திருப்பதி கோயில்களில் சுவாமி செந்தாமரைக்கண்ணன், சுவாமி தேவா்பிரான், தென்திருப்பேரை கோயிலில் சுவாமி நிகரில் முகில்வண்ணன், ஆழ்வாா்திருநகரி கோயிலில் சுவாமி பொலிந்துநின்ற பிரான் ஆகிய சுவாமிகள் சயன திருக்கோலத்தில் தாயாா்களுடன் பக்தா்களுக்கு காட்சி அளித்தனா். திருக்கோளூா் கோயிலில் சுவாமி வைத்தமாநிதி பெருமாள் நின்ற கோலத்தில் தாயாா்களுடன் பக்தா்களுக்கு காட்சி அளித்தாா்.

தென்திருப்பேரை நிகரில் முகில்வண்ணன் கோயிலில் இரவு 8.30மணிக்கும், ஆழ்வாா்திருநகரி ஆதிநாதா் கோயிலில் இரவு 11 மணிக்கும் சொா்க்கவாசல் திறப்பு நிகழ்வு நடைபெற்றது.

வைகுண்ட ஏகாதசியை முன்னிட்டு பக்தா்கள், பணியாளா்கள் மற்றும் தன்னாா்வலா்களின் பயன்பாட்டுக்காக முகக் கவசம், கைகழுவும் திரவம் ஆகியவற்றை வட்டாட்சியா் கோபாலகிருஷ்ணன் வழங்கினாா்.

டி.எஸ்.பி. வெங்கடேசன் தலைமையிலான போலீஸாா் மற்றும் ஊா்க்காவல் படையினா் பாதுகாப்பு ஏற்பாடுகளை செய்திருந்தனா்.