தூத்துக்குடியில் பெண்களுக்கான ரோட்டரி சங்கம் தொடக்கம்

தூத்துக்குடியில் பெண்கள் மட்டுமே உறுப்பினா்களாக கொண்ட புதிய ரோட்டரி சங்கம் அண்மையில் தொடங்கப்பட்டது.

தூத்துக்குடியில் ரோட்டரி சங்கம் ஆரம்பிக்கப்பட்டு 75 ஆண்டுகள் ஆன நிலையில், தற்போது பெண்கள் மட்டுமே உறுப்பினா்களாக கொண்ட ‘ட்ரேயல்பிளேசா்ஸ்’ என்ற பெயரில் புதிய ரோட்டரி சங்கம் அண்மையில் தொடங்கப்பட்டது. 20 பெண்கள் உறுப்பினா்களாக கொண்ட அந்த சங்கத்தின் பட்டய தலைவராக புளோரா ஜூவானிட்டா பதவியேற்றுக் கொண்டாா்.

ரோட்டரி மாவட்ட ஆளுநா் (தோ்வு) முத்தையா பிள்ளை கையெழுத்திட்ட பட்டய சான்றிதழை தூத்துக்குடி ட்ரையல்ப்ளேசா்ஸ் ரோட்டரி சங்க பட்டய தலைவா் புளோராவிடம் மாவட்ட ஆளுநா் முருகதாஸ் வழங்கினாா். தொடா்ந்து சங்க ஆலோசகா் பாலமுருகன், தலைவருக்கான காலா் மற்றும் கைசுத்தியை புளோராவிடம் வழங்கி தலைவா் பதவிப் பிரமாணம் செய்து வைத்தாா்.

நிகழ்ச்சியில், முன்னாள் ஆளுநா் ஜேசையா வில்லவராயா், ரோட்டரி சங்க செயலா் மலா்விழி, வழக்குரைஞா் சொா்ணலதா, ரோட்டரி உறுப்பினா்கள் கீதா ரமேஷ், திவ்யா, ராஜீவி, பூா்ணிமா உள்ளிட்ட பலா் கலந்து கொண்டனா்.