கோவில்பட்டியில் ஒருங்கிணைந்த தூய்மைப் பணி

கோவில்பட்டி நகராட்சியில் சிறப்பு தூய்மைப் பணி தொடக்க விழா காந்தி மைதானத்தில் நடைபெற்றது.

நிகழ்ச்சிக்கு, ஆட்சியா் கி. செந்தில்ராஜ் தலைமை வகித்தாா். சிறப்புத் தூய்மை பணியை அமைச்சா் கடம்பூா் செ.ராஜு தொடங்கி வைத்தாா். இதில், விளாத்திகுளம் எம்எல்ஏ சின்னப்பன், கோவில்பட்டி கோட்டாட்சியா் விஜயா, வட்டாட்சியா் மணிகண்டன், நகராட்சி ஆணையா் ராஜாராம், பொறியாளா் கோவிந்தராஜ், உதவிப் பொறியாளா் சரவணன், சுகாதார அலுவலா் இளங்கோவன், ஊராட்சி ஒன்றியக் குழுத் தலைவி கஸ்தூரி சுப்புராஜ், மாவட்ட கூட்டுறவு அச்சகத் தலைவா் அன்புராஜ் உள்பட பலா் பங்கேற்றனா்.