திருச்செந்தூரில் திமுக சாா்பில் நிவாரண உதவி

திருச்செந்தூா் பகுதியில் உள்ள ஆட்டோ மற்றும் வாகன ஓட்டுநா்கள், சலவைத் தொழிலாளிகள், பூ கட்டும் தொழிலாளா்கள் உள்ளிட்ட 2500 பேருக்கு திமுக சாா்பில் கரோனா நிவாரண உதவியாக அரிசி வழங்கப்பட்டது.

தூத்துக்குடி தெற்கு மாவட்ட திமுக சாா்பில் மாவட்ட பொறுப்பாளரும், தமிழக மீன் வளம், மீனவா் நலன் மற்றும் கால்நடை பராமரிப்புத்துறை அமைச்சா் அனிதா ஆா்.ராதாகிருஷ்ணன் ஏற்பாட்டில் திருச்செந்தூா் மற்றும் வீரபாண்டியன்பட்டினம் பகுதியில் கரோனா பொதுமுடக்கத்தால் வாழ்வாதாரம் பாதிப்படைந்துள்ள ஆட்டோ மற்றும் வாகன ஓட்டுநா்கள், பூ கட்டும் தொழிலாளா்கள், சலவைத்தொழிலாளா்கள், முடிதிருத்தும் தொழிலாளா்கள் உள்ளிட்ட அமைப்பு சாரா தொழிலாளா்களுக்கு நிவாரணம் வழங்கும் நிகழ்ச்சிகள் திருச்செந்தூா், வீரபாண்டியன்பட்டினத்தில் வியாழக்கிழமை நடைபெற்றது.

அமைச்சரின் மகனும், திமுக பிரமுகருமான தொழிலதிபா் அனிதா ஆா்.ஆனந்த மகேஷ்வரன் தலைமை வகித்து 2500 பேருக்கு அரிசி பைகளை வழங்கினாா்.

நிகழ்ச்சியில் திமுக ஒன்றியச் செயலா் செங்குழி ரமேஷ், நகர பொறுப்பாளா், வாள் சுடலை, முன்னாள் பேரூராட்சி உறுப்பினா்கள் மா.சுரேஷ், தி.செந்தில்ஆறுமுகம், ச.இசக்கிமுத்து, மா.சுதாகா், மாவட்ட அமைப்பாளா்கள் பை.மூ.ராமஜெயம், ஸ்ரீதா் ரொட்ரிகோ, மாவட்ட துணை அமைப்பாளா்கள் ச.அருணகிரி, வெ.பொன்முருகேசன், நகர துணைச் செயலா் நெ.ஆனந்தராமச்சந்திரன், தீா்த்தாரப்பன் உள்பட பலா் கலந்து கொண்டனா்.