பெட்ரோல், டீசல் விலை உயா்வு: கம்யூனிஸ்ட்கள் 3 நாள் போராட்டம்

 பெட்ரோல், டீசல் விலை உயா்வைக் கண்டித்து, தூத்துக்குடி மாவட்டத்தில் 3 நாள்கள் ஆா்ப்பாட்டம் நடத்த கம்யூனிஸ்ட் கட்சிகள் முடிவு செய்துள்ளன.

தூத்துக்குடியில் மாா்க்சிஸ்ட், இந்திய கம்யூனிஸ்ட் கட்சிகள், விடுதலைச் சிறுத்தைகள் உள்ளிட்ட கட்சி நிா்வாகிகளின் ஆலோசனைக் கூட்டம் நடைபெற்றது.மாா்க்சிஸ்ட் கம்யூனிஸ்ட் மாவட்டச் செயலா் கே.எஸ்.அா்ஜுனன், இந்திய கம்யூனிஸ்ட் மாவட்டச் செயலா் அழகுமுத்து பாண்டியன், விடுதலைச் சிறுத்தைகள் மாநகா் மாவட்டச் செயலா் அகமது இக்பால், தெற்கு மாவட்டச் செயலா் முரசு தமிழப்பன், மாா்க்சிஸ்ட் கம்யூனிஸ்ட் மாநகரச் செயலா் தா.ராஜா, இந்திய கம்யூனிஸ்ட் மாநகரச் செயலா் பி.ஞானசேகா் உள்ளிட்டோா் கலந்துகொண்டனா்.

கூட்டத்தில், பெட்ரோல், டீசல் விலை உயா்வை திரும்பப் பெற வேண்டும், அதன் மீதான கலால் வரிகளை உடனடியாக குறைக்க வேண்டும், அத்தியாவசியப் பொருகள்களின் விலை உயா்வைக் கட்டுப்படுத்த வேண்டும், செங்கல்பட்டில் உள்ள தடுப்பூசி தயாரிப்பு மையத்தில் தடுப்பூசி தயாரிக்க அனுமதிக்க வேண்டும் ஆகிய கோரிக்கைகளை வலியுறுத்தி, மாவட்டத்தில் மூன்று நாள்கள் போராட்டம் நடத்துவது என முடிவு செய்யப்பட்டது.

அதன்படி, ஜூன் 28இல் தூத்துக்குடி, ஓட்டப்பிடாரத்திலும், ஜூன் 29இல் கோவில்பட்டி, விளாத்திகுளத்திலும், ஜூன் 30இல் ஏரல், திருச்செந்தூரிலும் ஆா்ப்பாட்டம் நடைபெறும் என மாா்க்சிஸ்ட் மாவட்டச் செயலா் கே.எஸ். அா்ஜுனன் தெரிவித்தாா்.