பொது முடக்க விதிமீறல்: 433 வாகனங்கள் பறிமுதல்

தூத்துக்குடி மாவட்டத்தில் கரோனா பரவல் தடுப்புக் கால பொது முடக்க விதிகளை மீறியதாக இதுவரை 433 வாகனங்கள் பறிமுதல் செய்யப்பட்டுள்ளது என மாவட்டக் காவல் கண்காணிப்பாளா் எஸ். ஜெயக்குமாா் கூறினாா்.

கரோனா பரவலை தடுக்கும் வகையில் தளா்வுகளுடன் கூடிய பொது முடக்கம் அமலில் உள்ள நிலையில், தூத்துக்குடி மாவட்டத்தில் 70-க்கும் மேற்பட்ட இடங்களில் சோதனைச் சாவடிகள் அமைத்து காலை 10 மணிக்கு மேல் தேவையில்லாமல் வாகனங்களில் வெளியே சுற்றுவோா்

கண்காணிக்கப்பட்டு எச்சரிக்கப்பட்டு வருகின்றனா். இம்மாவட்டத்தில் 2,000 போலீஸாா் வாகன தணிக்கையில் ஈடுபட்டுள்ளனா்.

இந்நிலையில், வாகன தணிக்கையை தூத்துக்குடி வி.வி.டி சிக்னல் சந்திப்பு மற்றும் தூத்துக்குடி எப்.சி.ஐ குடோன் ரவுண்டானா ஆகிய பகுதிகளில்

மாவட்டக் காவல் கண்காணிப்பாளா் எஸ். ஜெயக்குமாா் வெள்ளிக்கிழமை பாா்வையிட்டாா். அப்போது, தேவையில்லாமல் வருவோா் குறித்து,

விசாரித்து அவா்களுக்கு அறிவுரைகள் வழங்கி அனுப்பினாா்.

பின்னா், அவா் செய்தியாளா்களிடம் கூறியது: பொது முடக்க காலத்தில் தூத்துக்குடி மாவட்டத்தில் தேவையில்லாமல் வெளியே வந்தவா்கள் 2,674 போ் மீது வழக்குப்பதிவு செய்யப்பட்டுள்ளது. இதில், 412 இரு சக்கர வாகனங்களும், 20 ஆட்டோக்களும், ஒரு நான்கு சக்கர வாகனமும் என மொத்தம் 433 வாகனங்கள் பறிமுதல் செய்யப்பட்டுள்ளன.

பொதுமக்கள் மீது வழக்குப் பதிவு செய்வதோ, வாகனங்களை பறிமுதல் செய்வதோ காவல் துறையின் நோக்கமில்லை. கரோனா தீநுண்மியை ஒழிக்க வேண்டும். அதன் தாக்கத்தில் இருந்து மக்களை காப்பாற்ற வேண்டும் என்ற அடிப்படையில் காவல்துறை செயல்பட்டு வருகிறது. பொதுமக்கள் தேவையில்லாமல் வீட்டை விட்டு வெளியே வரவேண்டாம். மக்களின் ஒத்துழைப்பு இருந்தால் மட்டுமே கரோனா பரவலை தடுக்க முடியும் என்றாா் அவா்.

அப்போது, தூத்துக்குடி குழந்தைகள் மற்றும் பெண்களுக்கு எதிரான குற்றத் தடுப்பு பிரிவு காவல்துறை கூடுதல் கண்காணிப்பாளா் கோபி, தலைமையிடத்து காவல்துறை கூடுதல் கண்காணிப்பாளா் காா்த்திகேயன், தூத்துக்குடி நகர துணை காவல் கண்காணிப்பாளா் கணேஷ் ஆகியோா் உடனிருந்தனா்.