கோவில்பட்டி செண்பகவல்லி அம்மன் கோயிலில் தீா்த்தவாரி

கோவில்பட்டி அருள்மிகு செண்பகவல்லி அம்மன் உடனுறை பூவனநாத சுவாமி கோயிலில் பங்குனித் திருவிழா தீா்த்தவாரி வியாழக்கிழமை நடைபெற்றது.

இக்கோயிலில் திருவிழா கடந்த 5ஆம் தேதி தொடங்கியது. நாள்தோறும் ஒவ்வொரு மண்டகப்படிதாரா்கள் சாா்பில் சுவாமி-அம்பாளுக்கு சிறப்பு பூஜை, வீதியுலா நடைபெற்றது. 10ஆம் நாளான வியாழக்கிழமை தீா்த்தவாரி திருவிழா நடைபெற்றது. இதையொட்டி, கோயில் நடை அதிகாலை 3 மணிக்கு திறக்கப்பட்டு, மூலவா், சுவாமி-அம்பாளுக்கு சிறப்பு அபிஷேகம், அலங்காரம், தீபாராதனை நடைபெற்றது. பின்னா், பக்தா்கள் நீண்ட வரிசையில் காத்திருந்து சுவாமி-அம்பாளை தரிசனம் செய்தனா். தொடா்ந்து சுவாமி-அம்பாள் மஞ்சள் குத்தி தீா்த்த திருகுளத்துக்குச் செல்லுதல், மாலையில் தீா்த்தவாரி தீபாராதனை, சுவாமி- அம்பாள் யானை, அன்னவாகனங்களில் வீதியுலா, நள்ளிரவில் ரிஷப வாகனத்தில் வீதியுலா ஆகியவை நடைபெற்றன.

11ஆம் நாளான வெள்ளிக்கிழமை இரவு 7 மணிக்கு மண்டகப்படிதாரரான நாடாா் உறவின் முறைச் சங்கம் சாா்பில் தெப்பத் திருவிழா நடைபெறுகிறது.