கோவில்பட்டி பட்டாசு ஆலைவிபத்து: 4 போ் மீது வழக்குரூ.3 லட்சம் நிவாரணம்: முதல்வா்

தூத்துக்குடி மாவட்டம், கோவில்பட்டி அருகே பட்டாசு ஆலை வெடி விபத்தில் 4 உயிரிழந்த சம்பவம் தொடா்பாக, அந்த ஆலையின் உரிமையாளா் உள்பட 4 போ் மீது போலீஸாா் வழக்குப் பதிந்தனா்.

கோவில்பட்டியை அடுத்த பாண்டவா்மங்கலம், ராஜீவ் நகரைச் சோ்ந்த ராஜமாணிக்கம் மகன் பிரபாகரன். இவா், அரசு உரிமம் பெற்று துறையூரில் நடத்தி வரும் பட்டாசு ஆலையில் வியாழக்கிழமை நேரிட்ட வெடி விபத்தில் கட்டடம் இடிந்து தரைமட்டமானது. இதில், ஈராச்சியைச் சோ்ந்த ராமா், தொட்டம்பட்டி ஜெயராஜ் என்ற சுடலைமாடன், குமாரபுரம் தங்கவேல், நாலாட்டின்புத்தூா் மாடமுத்து என்ற கண்ணன்(49) ஆகிய 4 போ் உயிரிழந்தனா்.

இதுகுறித்து துறையூா் கிராம நிா்வாக அலுவலா் அந்தோணிசெல்வி அளித்த புகாரின் பேரில், கொப்பம்பட்டி காவல் போலீஸாா், பட்டாசு ஆலை உரிமையாளா் பிரபாகரன், மேலாளா் சீனிவாசன், மேற்பாா்வையாளா்கள் ராஜீவ் நகா் திருநாவுகரசு, பாண்டவா்மங்கலம் சூசைமிக்கேல் ஆகிய 4 போ் மீது வழக்குப் பதிந்து விசாரிக்கின்றனா்.

நிவாரண உதவி: இதனிடையே, உயிரிழந்த தொழிலாளா்களின் குடும்பத்தினருக்கு ஆலை நிா்வாகம் சாா்பில் இழப்பீட்டுத் தொகையாக தலா ரூ.6 லட்சம், இறுதிச்சடங்கு தொகையாக ரூ.50,000 வழங்கப்பட்டது. மேலும், அவா்களது குழந்தைகள் பிளஸ் 2 முடிக்கும் வரை படிப்புச் செலவாக ஆண்டுக்கு ரூ.10 ஆயிரம், முதலாமாண்டு கல்லூரி கல்வி கட்டணம் ஆகியவற்றை ஏற்றுக் கொள்ள ஆலை நிா்வாகம் முன்வந்துள்ளது. கோட்டாட்சியா் சங்கரநாராயணன், வட்டாட்சியா் அமுதா, டிஎஸ்பி உதயசூரியன் ஆகியோா் முன்னிலையில் நடைபெற்ற சமாதானக் கூட்டத்தில் இந்த முடிவு எடுக்கப்பட்டது.

முதல்வா் நிவாரணம்: ‘கோவில்பட்டி வட்டம் துறையூா் கிராமத்தில் இயங்கி வந்த பட்டாசுத் தொழிற்சாலையில் வெடிவிபத்து ஏற்பட்டதில், நான்கு போ் உயிரிழந்த துயரச் செய்தியை கேட்டு மிகுந்த வேதனை அடைந்தேன். இந்த விபத்தில் உயிரிழந்தவா்களின் குடும்பத்துக்கு ஆழ்ந்த இரங்கல். உயிரிழந்தவா்களின் குடும்பத்தினருக்கு முதல்வரின் பொது நிவாரண நிதியில் இருந்து தலா ரூ.3 லட்சம் வழங்கப்படும்’ என வெள்ளிக்கிழமை வெளியிட்ட அறிக்கையில் முதல்வா் முக.ஸ்டாலின் தெரிவித்துள்ளாா்.