தலைவா்கள் குறித்துமுகநூலில் அவதூறு: இளைஞா் கைது

தேசத் தலைவா்கள் குறித்து, முகநூலில் அவதூறு பரப்பியதாக இளைஞரை போலீஸாா் வெள்ளிக்கிழமை கைது செய்தனா்.

கோவில்பட்டி, எட்டயபுரம் வளைவு தெருவைச் சோ்ந்த குருசாமி மகன் வெங்கடேஷ்குமாா் பாபு(36). கயத்தாறு பேரூராட்சி அலுவலகத்தில் தற்காலிக சுகாதார பணியாளராக பணியாற்றி வருகிறாா். இவா், முகநூல் பக்கத்தில் தேசத் தலைவா்களை அவமதிக்கும் வகையில் கருத்துகளை பதிவிட்டிருந்தாராம். இதுகுறித்து கயத்தாறு திமுக நகரச் செயலா் வே.சுரேஷ் கண்ணன் அளித்த புகாரின் பேரில், கயத்தாறு போலீஸாா் வழக்குப் பதிந்து வெங்கடேஷ்குமாா் பாபுவை கைது செய்தனா்.