ஆறுமுகனேரியில் தெய்வீக சத் சங்க ஆண்டு விழா

ஆறுமுகனேரி: ஆறுமுகனேரியில் அடைக்கலாபுரம் சாலையில் உள்ள லெட்சுமிமாநகரம் அருள்மிகு நடராஜ தேவார பஜனை ஆலயத்துக்குச் சொந்தமான நந்தவனத்தில் தெய்வீக சத் சங்கக் கூட்டம், இந்து சமய வகுப்பு ஆண்டு விழா 17, 18, 19 ஆகிய 3 நாள்கள் நடைபெற்றது.

முதல் நாளில் ஆன்மிக விநாடி-வினா போட்டி நடைபெற்றது. 2ஆம் நாள் ஆன்மிகம் தொடா்பான ஓவியப் போட்டி 2 பிரிவுகளாக நடத்தப்பட்டது. பின்னா், ஓய்வுபெற்ற தலைமையாசிரியா் கண்ணன் தலைமையில் சொல்லரங்கம் நடைபெற்றது. ஜோதிடா் வேலாயுதம், சைவ சித்தாந்த சங்கத்தைச் சோ்ந்த சுப்பிரமணியபிள்ளை ஆகியோா் உரையாற்றினா்.

ஞாயிற்றுக்கிழமை நடைபெற்ற நிகழ்ச்சியில் திருமுறைப் பாராயணம், கலைநிகழ்ச்சிகள், திருவெம்பாவை ஒப்பித்தல், கோலாட்டம், ஒயிலாட்டம், சிலம்பாட்டம், ஆன்மிக மாறுவேடப் போட்டி, ஆன்மிகச் சொற்பொழிவுகள் நடைபெற்றன.

நிறைவு நிகழ்ச்சிக்கு தேவார பஜனை ஆலயச் செயலா் எம். ராமச்சந்திரன் தலைமை வகித்தாா். ஸ்பிக் நிறுவன முன்னாள் அதிகாரியும் பண்பாட்டு வகுப்பு ஆசிரியருமான ஜெயராஜ் சிறப்பு விருந்தினராகப் பங்கேற்று, சொற்பொழிவாற்றினாா்.

போட்டிகளில் வென்றோருக்கும், இந்து சமய வகுப்பில் பங்கேற்றோருக்கும் ஓய்வுபெற்ற கல்லூரிப் பேராசிரியா் அ. அசோக்குமாா் பரிசுகள் வழங்கினாா்.

நிகழ்ச்சியில், ஓய்வுபெற்ற தலைமையாசிரியா் கண்ணன், ஆா்எஸ்எஸ்அமைப்பைச் சோ்ந்த ம. சிவராமன், சுரேஷ், பாஜகவைச் சோ்ந்த லிங்கதாஸ், காா்த்திகேயன், சைவ சித்தாந்த சங்கத்தைச் சோ்ந்த சுப்பிரமணியபிள்ளை, திருமால், அய்யா வைகுண்டா் நாராயணசுவாமி கோயில் நிா்வாகி சகாதேவன், பன்னீா் அம்மாள், ராணி சண்முகசுந்தரம் உள்ளிட்டோா் பங்கேற்றனா்.