முதல்வரிடம் தோ்தல் பயம் தெளிவாகத் தெரிகிறது: கனிமொழி எம்.பி.

தமிழக முதல்வா் ச. ஜோசப் விஜய்யிடம் தோ்தல் பயம் தெளிவாகத் தெரிகிறது என திமுக துணைப் பொதுச் செயலரும், நாடாளுமன்ற திமுக குழு தலைவருமான கனிமொழி எம்.பி. கூறினாா்.

தூத்துக்குடி விமான நிலையத்தில் அவா் செய்தியாளா்களிடம் திங்கள்கிழமை கூறியதாவது:

மக்களை ஏமாற்றி ஜனநாயகத்தைப் பின்னுக்குத் தள்ளும் நடவடிக்கைகளில் ஈடுபடுவோருக்கு இடைத்தோ்தலில் பாடம் புகட்டும் வகையில் மக்கள் வாக்களித்து, நியாயத்தின் பக்கம் வெற்றியைத் தருவாா்கள் என நம்புகிறோம்.

தமிழகத்தில் மக்களுக்குப் பாதுகாப்பு இல்லாத சூழ்நிலை நிலவுகிறது. நாள்தோறும் குற்றங்கள் அதிகரித்து வருகின்றன. மக்கள் அச்சத்தோடு வாழக்கூடிய நிலை உள்ளது. எந்தவித வளா்ச்சிக்கான திட்டங்களும் கிடையாது. தொழில் முதலீடுகள் கிடையாது. தூய சக்தி என்று சொல்லி மக்களை ஏமாற்றும் தவெகவின் உண்மை முகத்தை மக்கள் புரிந்து கொள்ள வேண்டும்.

சட்டப்பேரவை பொதுத் தோ்தலில் அதிகமாக பிரசாரம் செய்யாத முதல்வா் விஜய், தற்போது தெருத் தெருவாகச் சென்று பிரசாரம் செய்திருப்பது, அவருக்கு தோ்தல் பயம் இருப்பதைத் தெளிவாகக் காட்டுகிறது.

திமுக தலைவா் மு.க. ஸ்டாலின் யாருடைய மனமும் கோணும் வகையில் பேசக்கூடியவா் அல்ல. துரை வைகோ மக்களவை உறுப்பினராக இருப்பதற்கு திமுகவின் உழைப்பும் ஒரு காரணம் என்பதை அவா் மறந்துவிடக் கூடாது என்றாா் அவா்.