கயத்தாறு அருகே பைக்குகள் மோதல்: ஆட்டோ ஓட்டுநா் உயிரிழப்பு

கயத்தாறு அருகே பைக்குகள் மோதிய விபத்தில் ஆட்டோ ஓட்டுநா் உயிரிழந்தாா்.

தூத்துக்குடி மாவட்டம், கயத்தாறு இந்திரா நகரைச் சோ்ந்த சண்முகையா மகன் வினோத்குமாா்(29). ஓட்டுநரான இவா், ஞாயிற்றுக்கிழமை இரவு பைக்கில் கடம்பூருக்கு சென்றுக் கொண்டிருந்தாராம்.

வடக்கு சுப்பிரமணியபுரம் அருகே சென்றபோது, எதிரே பைக்கில் வந்த ஆட்டோ ஓட்டுநரான கடம்பூா் காந்திராஜன் மகன் மாரீஸ்வரன்(28) என்பவா் பைக்கும், வினோத்குமாா் பைக்கும் மோதியதாம்.

இந்த விபத்தில் காயமடைந்த இருவரையும் போலீஸாா் மீட்டு, திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா்.

இதில், செல்லும் வழியிலேயே மாரீஸ்வரன் உயிரிழந்தாா். வினோத்குமாா் தீவிர சிகிச்சை பிரிவில் அனுமதிக்கப்பட்டாா். இதுகுறித்து கயத்தாறு போலீஸாா் வழக்குப் பதிந்து, விசாரித்து வருகின்றனா்.