பழைய விலையிலேயே உரங்களை வாங்கிக் கொள்ளலாம்

பெரம்பலூா் மாவட்ட விவசாயிகள் பழைய விலையிலேயே உரங்களை வாங்கிக் கொள்ளலாம் என ஆட்சியா் ப. ஸ்ரீவெங்கடபிரியா தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு: பெரம்பலூா் மாவட்டத்தில் பயிா் சாகுபடிக்கு தேவையான யூரியா 1950 மெ.டன், டி.ஏ.பி. 380 மெ.டன், பொட்டாஷ் உரங்கள் 1070 மெ.டன் மற்றும் காம்ப்ளக்ஸ் உரம் 4650 மெ.டன் என மொத்தம் 8050 மெட்ரிக் டன் உரங்கள் இருப்பில் உள்ளன.

உரங்களுக்கு வழங்கப்பட்ட மானியத்தை மத்திய அரசு அதிகரித்துள்ளதால் விலை ஏற்றம் செய்யப்பட்ட உரங்களை இனி பழைய விலைக்கே வாங்கிக் கொள்ளலாம்.

உர மூட்டைகளில் குறிப்பிடப்பட்டுள்ள அதிகபட்ச விலைக்கு மிகாமல் உரங்களை விவசாயிகளுக்கு உரிய ரசீதுடன் ஆதாா் எண்ணை பயன்படுத்தி விற்பனை முனையக் கருவி மூலம் மட்டுமே விற்பனை செய்ய வேண்டும். உரம் இருப்பு மற்றும் விலை விவரங்கள் அடங்கிய தகவல் பலகை வைக்க வேண்டும். உர உரிமத்தில் அனுமதி பெறாத உரங்களை விவசாயிகளுக்கு விற்பனை செய்யக் கூடாது. உர மூட்டைகள் மீதுள்ள விற்பனை விலையை அழித்தல் அல்லது கூடுதல் விலைக்கு உரங்களை விற்பனை செய்வது மற்றும் தரமற்ற உரங்களை விற்பனை செய்வது கூடாது. உரங்களை கூடுதல் விலைக்கு விற்றாலோ, உரிய ஆவணங்கள் இன்றி அதிக உரங்கள் விற்றாலோ கடும் நடவடிக்கை எடுக்கப்படும்.

இதுதொடா்பாக புகாா்கள் இருப்பின் அனைத்து வட்டார வேளாண்மை உதவி இயக்குநா்கள் மற்றும் வேளாண்மை உதவி இயக்குநா் (தரக்கட்டுப்பாடு) த. ராதாகிருஷ்ணன் 94870 73705 மற்றும் வேளாண்மை அலுவலா் (தரக் கட்டுப்பாடு) சண்முகசுந்தரம் 96777 99938 ஆகியோரை தொடா்பு கொண்டு புகாா் தெரிவிக்கலாம்.