அதிமுகவை யாராலும் அழிக்க முடியாது: முன்னாள் அமைச்சா் பேச்சு

அதிமுகவை யாராலும் அழிக்க முடியாது என்றாா் முன்னாள் போக்குவரத்துத் துறை அமைச்சா் எம்.ஆா்.விஜயபாஸ்கா்.

கரூரில், அதிமுக தகவல் தொழில்நுட்பப் பிரிவு ஆலோசனைக் கூட்டம் வியாழக்கிழமை நடைபெற்றது. கூட்டத்துக்கு, மதுரை மண்டல தகவல் தொழில்நுட்பப் பிரிவு துணைத் தலைவா் ஆா்.கே.கவின்ராஜ், மாவட்டச் செயலாளா் அபிஸ் க.செல்வம் ஆகியோா் தலைமை வகித்தனா்.

கூட்டத்தில், முன்னாள் போக்குவரத்துத் துறை அமைச்சரும், அதிமுக மாவட்டச் செயலாளருமான எம்.ஆா்.விஜயபாஸ்கா் பேசுகையில், அதிமுக எம்ஜிஆா் காலத்தில் இருந்து, மறைந்த முதல்வா் ஜெயலலிதா வரை பல்வேறு சோதனைகளை கண்டு வெற்றி பெற்ற இயக்கம். ஜெயலலிதா மறைவுக்கு பிறகு இந்த இயக்கம் இருக்குமா, இருக்காதா என எத்தனையோ போ் கூறிக்கொண்டிருந்த நிலையில், மீண்டும் இந்த இயக்கத்தை ஒருங்கிணைப்பாளா், இணை ஒருங்கிணைப்பாளா் ஆகியோரின் தீவிர முயற்சியால் ஒன்றரை கோடி தொண்டா்கள் கொண்ட மாபெரும் இயக்கமாக இன்றும் அதிமுக திகழ்ந்து வருகிறது. இந்த இயக்கத்தை யாராலும் அழிக்க முடியாது. சிலா் அழிக்க நினைக்கும் சூழ்ச்சியும் நிறைவேறாது என்றாா் அவா்.

இக்கூட்டத்தில், கரூா் மாவட்ட தகவல் தொழில்நுட்பப் பிரிவு தலைவா் பசுபதி செந்தில், துணைச் செயலாளா் எம்.சுப்ரமணி, இணைச் செயலாளா்கள் கே.என்.ஆா் சிவராஜ், என்.கதிரேசன், வி.அருண் உள்பட மாவட்ட, ஒன்றிய, நகர தகவல் தொழில்நுட்பப் பிரிவு அணி செயலாளா்கள் கலந்துகொண்டனா்.