விஜய் வீட்டுக் கதவைத் தட்டினார் இபிஎஸ்: ஓ. பன்னீர்செல்வம்ரம்ஜான் கொண்டாட்டத்தை மேலும் இரட்டிப்பாக்கும் தங்கம் விலை நிலவரம்!அதிமுகவின் முதலாளிகள் பாஜகவும் அமித் ஷாவும்தான்: ஜோதிமணி எம்.பி.கத்தார் எரிவாயு விநியோகம் பாதிப்பு! இந்தியாவிலும் 5 ஆண்டுகளுக்கு பாதிப்பா?ரமலான் திருநாள்! குடியரசுத் தலைவர், பிரதமர் வாழ்த்து!ஈரான் போர்! நேட்டோ அமைப்புக்கு தைரியமில்லை: டிரம்ப்‘ஏஐ’ நுட்பத்தில் தலைவா்களை தவறாக சித்திரிக்கத் தடை: தோ்தல் ஆணையம் எச்சரிக்கை6 ஆண்டுகளுக்குப் பிறகு இந்தியா-சீனா இடையே எல்லை வா்த்தகம்புதிய வருமான வரிச் சட்டம் ஏப்ரல் 1 முதல் அமல்: விதிகளை அறிவிக்கை செய்தது சிபிடிடி
/

வாய்க்காலில் வீசப்படும் இறைச்சிக் கழிவு, குப்பைகளால் சுகாதாரக்கேடு அபாயம்: நடவடிக்கை எடுக்க பொதுமக்கள் கோரிக்கை

கரூரில் ரெட்டை வாய்க்காலில் வீசப்படும் இறைச்சிக்கழிவுகள் மற்றும் குப்பைகளால் சுகாதாரக் கேடு ஏற்படும் அபாயம் ஏற்பட்டுள்ளதாகவும், இதனை தடுக்க மாநகராட்சி நிா்வாகம் நடவடிக்கை எடுக்க வேண்டும் என்றும் பொதுமக்கள் கோரிக்கை விடுத்துள்ளனா்.

News image

கரூா் மக்கள் பாதையில் ரெட்டை வாய்க்காலை ஆக்கிரமித்து வளா்ந்திருக்கும் செடிகள்.

Updated On :25 செப்டம்பர் 2024, 10:58 pm

Din

கரூரில் ரெட்டை வாய்க்காலில் வீசப்படும் இறைச்சிக்கழிவுகள் மற்றும் குப்பைகளால் சுகாதாரக் கேடு ஏற்படும் அபாயம் ஏற்பட்டுள்ளதாகவும், இதனை தடுக்க மாநகராட்சி நிா்வாகம் நடவடிக்கை எடுக்க வேண்டும் என்றும் பொதுமக்கள் கோரிக்கை விடுத்துள்ளனா்.

கரூரில் செட்டிப்பாளையம் பகுதியில் அமராவதி ஆற்றின் குறுக்கே கட்டப்பட்டிருக்கும் கதவணையில் இருந்து பிரியும் ரெட்டைவாய்க்கால் சின்னஆண்டாங்கோவில், பெரியாா்வளைவு, படித்துறை, மக்கள்பாதை, காமராஜா் மாா்க்கெட் வழியாக நெரூா் வரை செல்கிறது. தற்போது அமராவதி ஆற்றில் தண்ணீா் வரத்து முற்றிலும் நின்று போனதால் ரெட்டைவாய்க்காலில் தண்ணீா் செல்வதும் நின்றுபோனது. இதனால் வாய்க்கால் கரூா் நகா் பகுதியில் பல்வேறு இடங்களில் ஆக்கிரமிப்புக்குள்ளாகி தற்போது குடியிருப்புகளில் இருந்து வெளியேறும் கழிவுநீரை வெளியேற்றும் ஓடையாக மாறியுள்ளது. இதனிடையே கரூா் நகரின் மையப்பகுதியான மக்கள்பாதை பகுதியில் இந்த வாய்க்கால் செடிகளால் ஆக்கிரமிப்புக்குள்ளாகி முட்புதராக காட்சியளிக்கிறது. மேலும் நகரின் பல்வேறு இடங்களில் செயல்படும் இறைச்சிக்கடைகளின் கழிவுகளும் வாய்க்காலில் கொட்டப்படுவதால் வாய்க்காலில் துா்நாற்றம் வீசுகிறது.

இதுதொடா்பாக மக்கள் பாதை பகுதியைச் சோ்ந்தவா்கள் கூறியது, கரூரில் ரெட்டைவாய்க்கால் என இருவாய்க்கால் இருந்த நிலையில் தற்போது ஒரு வாய்க்கால் மட்டும்தான் உள்ளது. மற்றொரு வாய்க்கால் ஆக்கிரமிப்பில் மாயமாகிவிட்டது. இருக்கும் ஒரு வாய்க்காலும் செடிகொடிகளால் மண்டி புதராக காட்சியளிக்கிறது. இரவு நேரங்களில் இறைச்சிக்கடைகளின் கழிவுகளை வாய்க்காலில் கொட்டுகிறாா்கள். மேலும் குப்பைகளை சேகரிக்க மாநகராட்சி சாா்பில் தொட்டிக்கட்டப்பட்டுள்ளது. இந்த தொட்டியில் குப்பைகள் நிரம்பி வழியும்போது, சிலா் குப்பைகளை வாய்க்காலுக்குள் தள்ளிவிட்டுச் சென்றுவிடுகிறாா்கள்.

இதனால் ரெட்டைவாய்க்கால் தற்போது குப்பை வாய்க்காலாகவும், இறைச்சிக்கழிவுகள் நிறைந்த வாய்க்காலாகவும் மாறியுள்ளது. இதனை தடுக்க மாநகராட்சியின் சுகாதாரத்துறையினா், குப்பை தொட்டி பகுதியில் சிசிடிவி கேமரா அமைத்து, வாய்க்காலுக்குள் யாா் குப்பையை போடுகிறாா்கள், இறைச்சிக்கழிவுகள் கொட்டுகிறாா்கள் என்பதை கண்டறிந்து, அவா்கள் மீது நடவடிக்கை எடுத்தால் மட்டுமே இதுபோன்ற நிகழ்வுகள் தொடராமல் இருக்கும் என்றனா்.