சிறுமியை பலாத்காரம் செய்த இளைஞர் கைது

பெரம்பலூர் அருகே சிறுமியை கடத்திச் சென்று பாலியல் பலாத்காரம் செய்ததாக இளைஞர் புதன்கிழமை கைது செய்யப்பட்டார். 
பெரம்பலூர் அருகே அம்மாபாளையம் கிராமத்தைச் சேர்ந்த 17 வயது சிறுமியை, ஆக.20ஆம் தேதி முதல் காணவில்லையாம். இதுகுறித்து அவரது பெற்றோர் பெரம்பலூர் காவல் நிலையத்தில் அளித்த புகாரின் பேரில் போலீஸார் வழக்குப் பதிவு செய்து விசாரணை மேற்கொண்டனர். அதில், பெரம்பலூரைச் சேர்ந்த ஜோதி மகன் செல்வக்குமார்(27) சிறுமியை கடத்திச் சென்று பலாத்காரம் செய்தது தெரியவந்தது. இதையடுத்து தலைமறைவாக இருந்த செல்வக்குமார் கைது செய்யப்பட்டார். மீட்கப்பட்ட சிறுமி பெரம்பலூரில் உள்ள விடுதியில் சேர்க்கப்பட்டார்.