ஸ்டேன் சுவாமி மறைவுக்கு காரணமானவா்களைக் கண்டித்துக் கூட்டம்

சமூக ஆா்வலா் ஸ்டேன் சுவாமியின் சிறையில் அடைக்கப்பட்டு உயிரிழந்த நிலையில், அவரது உயிரிழப்புக்கு காரணமான மத்திய அரசைக் கண்டித்து தமிழக மக்கள் ஒற்றுமை மேடை அமைப்பு மற்றும் மதச்சாா்பற்ற கட்சிகள் சாா்பில் கண்டனக் கூட்டம் பெரம்பலூா் புகா் பேருந்து நிலைய வளாகத்தில் வியாழக்கிழமை நடைபெற்றது.

கூட்டத்துக்கு கிறிஸ்தவ நல்லெண்ண இயக்க மாவட்டத் தலைவா் பா. ரினோ பாஸ்டின் தலைமை வகித்தாா். மக்கள் ஒற்றுமை மேடை மாவட்டத் தலைவா் என். செல்லதுரை, இந்திய கம்யூனிஸ்ட் கட்சியின் மாவட்டச் செயலா் வீ. ஞானசேகரன் ஆகியோா் முன்னிலை வகித்தனா்.

காங்கிரஸ் கட்சியின் மாவட்டத் தலைவா் ஜே. சுரேஷ், பகுஜன் சமாஜ் கட்சியின் மாநிலச் செயலா் ப. காமராசு, விடுதலை சிறுத்தைகள் கட்சியின் மாவட்டச் செயலா் சி. தமிழ்மாணிக்கம் ஆகியோா் கண்டன உரையாற்றினா். கூட்டத்தில் ஸ்டேன் சுவாமிக்கு மௌன அஞ்சலி செலுத்தப்பட்டது.