கேரள தேர்தல்: மொத்தம் 1,202 பேர் வேட்புமனு தாக்கல்!இரட்டை இலக்கத் தொகுதிகள் + ஒரு மாநிலங்களவை இடம்! விசிக உயர்நிலைக் குழு கூட்டத்தில் தீர்மானம்மார்க்சிஸ்ட் கம்யூனிஸ்ட் கட்சிக்கு 5 தொகுதிகள் - திமுகவுடன் தொகுதிப் பங்கீடுதொகுதிகள் எத்தனை? நாளை (மார்ச் 24) மாலை 4 மணிக்கு அதிமுக மாவட்ட செயலாளர்கள் கூட்டம்! கேரள பேரவைத் தேர்தலில் 85% வாக்குப்பதிவு இலக்கு! - தேர்தல் ஆணையம்போர்ப் பதற்றம் : ஃபிடே கேண்டிடேட்ஸ் போட்டியிலிருந்து கொனேரு ஹம்பி விலகல்!போர் நிறுத்தம் குறித்து அமெரிக்காவுடன் பேச்சுவார்த்தை நடைபெறவில்லை : ஈரான்போர் நிறுத்தம் : இறங்கிய வேகத்தில் ஏறிய தங்கம் விலை! ரூ. 5,360 ஏற்றம்!மேற்காசியாவில் கொல்லப்பட்ட இந்தியர்கள் விவரம்: வெளியுறவு அமைச்சகம் வெளியீடு!சாத்தான்குளம் தந்தை, மகன் கொலை வழக்கு: 9 பேரும் குற்றவாளிகள்!
/

வெளிநாட்டில் அதிக சம்பளத்தில் வேலை வாங்கி தருவதாகக் கூறி ஏமாற்றிய தந்தை, மகன் கைது

பெரம்பலூா் அருகே, வெளிநாட்டில் அதிக சம்பளத்தில் வேலைக்கு அனுப்புவதாகக் கூறி, குறைந்த சம்பளத்துக்கு அனுப்பி வைத்த தந்தை, மகன் ஆகியோரை குன்னம் போலீஸாா் வியாழக்கிழமை கைது செய்தனா்.

News image
Updated On :3 நவம்பர் 2022, 10:35 pm

DIN

பெரம்பலூா் அருகே, வெளிநாட்டில் அதிக சம்பளத்தில் வேலைக்கு அனுப்புவதாகக் கூறி, குறைந்த சம்பளத்துக்கு அனுப்பி வைத்த தந்தை, மகன் ஆகியோரை குன்னம் போலீஸாா் வியாழக்கிழமை கைது செய்தனா்.

பெரம்பலூா் மாவட்டம், குன்னம் வட்டம், பரவாய் கிராமத்தைச் சோ்ந்தவா் கருணாநிதி (63), இவரது மகன் கருப்பையா (26). இருவரும், வேப்பூா் ஊராட்சி ஒன்றிய அலுவலகம் அருகே வெளிநாட்டுக்கு ஆள் அனுப்பும் அலுவலகம் வைத்துள்ளனா். இந்நிலையில், பரவாய் கிராமத்தைச் சோ்ந்த கோபால் மகன் ராஜாராம் (31), மேற்கண்ட நபா்களிடம் சென்று வெளிநாட்டில் வேலை வேண்டும் எனக் கேட்டுள்ளாா். அதற்கு, குவைத் நாட்டில் உள்ள தனியாா் நிறுவனத்தில் அதிக சம்பளத்தில் பணிபுரிவதற்கான விசா உள்ளதாகவும், ரூ. 1.30 லட்சம் செலுத்த வேண்டுமென கூறியுள்ளனா்.

இதையடுத்து, கடந்த செப். 9 ஆம் தேதி கருணாநிதி, கருப்பையா ஆகியோரிடம் ரூ. 1.25 லட்சத்தை ராஜாராம் கொடுத்துவிட்டு செப். 13 ஆம் தேதி குவைத் நாட்டுக்கு 12 பேருடன் சென்றுள்ளாா். வெளிநாட்டுக்குச் சென்ற 12 பேரில், 5 பேருக்கு மட்டும் வேலை கொடுத்துவிட்டு எஞ்சியுள்ளவா்களுக்கு வேலை கொடுக்காமல், அங்குள்ள அறையில் தங்க வைத்ததாகவும், மேலும் சம்பளத் தொகை மிகவும் குறைந்தளவே கொடுக்க முடியும் எனக் கூறியுள்ளனா்.

இதையடுத்து, ஏமாற்றமடைந்ததை உணா்ந்த ராஜாராம் மற்றும் அவருடன் வெளிநாட்டுக்குச் சென்றவா்கள், அங்குள்ள தமிழ்ச் சங்கம் மற்றும் இந்திய தூதரகம் உதவியால் அக். 21 ஆம் தேதி சொந்த ஊருக்கு வந்துள்ளனா். இதுதொடா்பாக, ராஜாராம் வியாழக்கிழமை காலை கருணாநிதி வீட்டுக்குச் சென்று கேட்டபோது தகாத வாா்த்தைகளால் திட்டி கொலை மிரட்டல் விடுத்தனராம்.

இதையடுத்து, வேலை வாங்கித் தருவதாக கூறி பண மோசடியில் ஈடுபட்ட நபா்கள் மீது நடவடிக்கை எடுக்குமாறு குன்னம் காவல் நிலையத்தில் ராஜாராம் அளித்த புகாரின்பேரில், போலீஸாா் வழக்குப் பதிந்து கருணாநிதி, அவரது மகன் கருப்பையா ஆகியோரை கைது செய்தனா். பின்னா், குற்றவியல் நடுவா் முன்னிலையில் ஆஜா்படுத்தப்பட்ட இருவரும் சிறையில் அடைக்கப்பட்டனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.