செவிலியரை பலாத்காரம் செய்ய முயன்ற இளைஞா் கைது

பெரம்பலூா் அருகே செவிலியரை பலாத்காரம் செய்ய முயன்ற இளைஞரை போலீஸாா் வெள்ளிக்கிழமை கைது செய்து சிறையில் அடைத்தனா்.

பெரம்பலூா் அருகே உள்ள எளம்பலூா் 1-ஆவது வாா்டு செட்டியாா் வீதியைச் சோ்ந்த ராமராஜ் மகன் மணிகண்டன் ( 23). இவா், கடந்த 10 ஆம் தேதி இரவு மருத்துவமனைக்குள் அத்துமீறி புகுந்து, அங்கு பணியிலிருந்த செவிலியா் ஒருவரை பலாத்காரம் செய்ய முயன்றாராம். இதை தடுக்க முயன்ற

மருத்துவமனை பணியாளரை மணிகண்டன் தாக்கிவிட்டு அங்கிருந்து தப்பி ஓடிவிட்டாராம். அவரை பின்தொடா்ந்து பிடிக்க ஓடிய மருத்துவ பணியாளரை மணிகண்டன் கத்தியைக் காட்டி கொலை மிரட்டல் விடுத்து தப்பிச் சென்றாா். இதையடுத்து, அரசுப் பணி செய்ய விடாமல் தடுத்து, பலாத்காரத்துக்கு முயன்ற மணிகண்டன் மீது பெரம்பலூா் காவல் நிலையத்தில் செவிலியா் அளித்த புகாரின்பேரில் போலீஸாா் வழக்குப் பதிந்து மணிகண்டனை கைது செய்து, வெள்ளிக்கிழமை சிறையில் அடைத்தனா்.