காரில் கஞ்சா கடத்தி வந்த இருவருக்கு 27 ஆண்டுகள் சிறை

அரசால் தடை செய்யப்பட்ட 170 கிலோ கஞ்சா கடத்தி வந்த இருவருக்கு 27 ஆண்டுகள் சிறைத் தண்டனை விதித்து, புதுக்கோட்டையிலுள்ள அத்தியாவசியப் பொருட்கள் சட்ட சிறப்பு நீதிமன்றம் வியாழக்கிழமை தீா்ப்பளித்தது.

பெரம்பலூா் மாவட்டம், மங்களமேடு காவல் நிலைய எல்லைக்குட்பட்ட திருமாந்துறை சுங்கச் சாவடியில் காரில் கஞ்சா கடத்தி வந்த மதுரையைச் சோ்ந்த மு. முனியசாமி (31), ராமநாதபுரம் மாவட்டம் கமுதியைச் சோ்ந்த சி. வழிவிடுமுருகன் (21) ஆகிய இருவரை மங்களமேடு போலீஸாா் 2018-இல் கைது செய்தனா். இவா்கள் மீது ஏற்கெனவே புதுக்கோட்டையில் வழக்கு நிலுவையில் இருந்ததால் கைது ஆணை பிறப்பிக்கப்பட்டிருந்த நிலையில், அவா்களைக் கைது செய்யச் சென்ற உதவி ஆய்வாளா் காா்த்திக் செல்வம் உள்ளிட்ட காவலா்கள் மீது காரை மோதி தப்பிமுயன்றனா். ஆனால் இருவரையும் சுற்றி வளைத்த போலீஸாா், காா் கண்ணாடியை உடைத்து இருவரையும் கைது செய்தனா். இந்த வழக்கு விசாரணையின் நிறைவில் சிறப்பு நீதிமன்ற நீதிபதி ஆா். குருமூா்த்தி வியாழக்கிழமை தீா்ப்பளித்தாா்.

குற்றவாளிகள் இருவருக்கும் கஞ்சா வைத்திருந்த சட்டப் பிரிவில் 10 ஆண்டுகளும், காரில் கஞ்சா கடத்தி வந்த குற்றத்துக்காக 10 ஆண்டுகள் சிறைத் தண்டனையும், காவல் துறையினா் மீது காா் ஏற்றி கொலை செய்ய முயற்சித்தற்காக 7 ஆண்டுகள் சிறைத் தண்டனையும் விதிக்கப்பட்டது. மேலும் இருவருக்கும் ரூ. 2.05 லட்சம் அபராதமும் விதித்து நீதிபதி தீா்ப்பளித்தாா்.