அதிராம்பட்டினத்தில் கட்செவி அஞ்சல் மூலம் 10 ஆம் வகுப்பு மாணவா்களுக்கு பாடம்

அதிராம்பட்டினம் காதிா் முகைதீன் ஆண்கள் மேல்நிலைப் பள்ளியில் பயிலும் 10 ஆம் வகுப்பு மாணவா்களுக்கு கட்செவி அஞ்சல் (வாட்ஸ் அப் குழு) மூலம் பாடம் கற்பிக்கப்பட்டு வருகிறது.

ஊரடங்கு காரணமாக 10 ஆம் வகுப்பு அரசுப் பொதுத்தோ்வு தள்ளி வைக்கப்பட்டு, விரைவில் தோ்வு நடைபெறவுள்ள நிலையில், வீட்டில் முடங்கியுள்ள அப்பள்ளியின் 10ஆம் மாணவா்கள் தோ்வுக்கு தயாராகும் வகையில் வாட்ஸ்அப் மூலம் தோ்வுக்குத் தேவையான ஆலோசனைகள் வழங்கப்பட்டு வருகிறது.

இதற்காக, மாணவா்கள், ஆசிரியா்கள் இணைந்து வாட்ஸ் அப் குழுவை உருவாக்கி, அதன் மூலம் பாடங்கள் நடத்தப்படுகிறது. பள்ளியின் தமிழ், ஆங்கிலம், கணிதம், அறிவியல், சமூக அறிவியல் ஆகிய பாடப் பிரிவுகளின் ஆசிரியா்கள் தினமும் மாணவா்கள் எந்தெந்த பாடங்களைப் படிக்க வேண்டும் என்பதுடன், ஒவ்வொரு நாளும் அதற்குரிய வினாத்தாளையும் அனுப்பி, தோ்வு எழுதி பழகவும் ஆலோசனை வழங்குகின்றனா். இது தோ்வுக்கு தயாராகும் அப்பள்ளியின் 10 ஆம் வகுப்பு மாணவா்களுக்கு மிகுந்த உத்வேகத்தை அளித்துள்ளது.