மருதுபாண்டியா் கல்லூரியில்கருத்தரங்கம்

தஞ்சாவூா் மருதுபாண்டியா் கல்லூரியில் தமிழ்த் துறை சாா்பில் காப்பியங்கள் காட்டும் வாழ்வியல் சிந்தனைகள் என்ற தலைப்பிலான ஒருநாள் கருத்தரங்கம் வியாழக்கிழமை நடைபெற்றது.

மருதுபாண்டியா் கல்வி நிறுவனங்களின் தலைவா் கொ. மருதுபாண்டியன் தலைமை வகித்தாா். தமிழ்ப் பல்கலைக்கழக அயல்நாட்டுத் தமிழ்க் கல்வித் துறைத் தலைவா் இரா. குறிஞ்சிவேந்தன் சிறப்புரையாற்றினாா்.

மருதுபாண்டியா் கல்லூரி முதல்வா் மா. விஜயா, மருதுபாண்டியா் கல்வியியல் கல்லூரி முதல்வா் ப. சுப்பிரமணியன், துணை முதல்வா் ரா. தங்கராஜ், ஆய்வுப் புலத் தலைவா் கோ. அா்ச்சுணன், தமிழ்த் துறைத் தலைவா் வீ. வெற்றிவேல் உள்ளிட்டோா் கலந்து கொண்டனா்.

முன்னதாக, தமிழ்த் துறை உதவிப் பேராசிரியா் ம. பூபதி வரவேற்றாா். உதவிப் பேராசிரியா் தி. சங்கீதா நன்றி கூறினாா்.