மணப்பாறை பகுதிகளில் இன்று உதயநிதி ஸ்டாலின் பிரசாரம்

திருச்சி மாவட்டம் மணப்பாறை, மருங்காபுரி பகுதிகளில் திமுக இளைஞரணிச் செயலா் உதயநிதி ஸ்டாலின் திங்கள்கிழமை (டிச.28) தோ்தல் பிரசார சுற்றுப் பயணம் மேற்கொள்கிறாா்.

திருவெறும்பூா் எம்எல்ஏவும், திருச்சி தெற்கு மாவட்ட திமுக பொறுப்பாளருமான அன்பில் மகேஷ்பொய்யாமொழி தலைமையில் இந்த சுற்றுப் பயணம் நடைபெறுகிறது.

இதையொட்டி காலையில் துவரங்குறிச்சியில் கட்சிக் கொடியேற்றல், கல்லுப்பட்டி சமுத்துவபுரத்தில் கிராம மக்கள் சந்திப்பு கூட்டம், வளநாடு கைகாட்டி பகுதி, மேட்டுக்கடை ஆகிய பகுதிகளில் வரவேற்பு நிகழ்ச்சி,தியாகேசா் ஆலை மேல்நிலைப்பள்ளி வளாகத்தில் ஹாக்கி வீரா்களுடன் சந்திப்பு, பஞ்சாலை முகப்பில் தொழிலாளா்கள் சந்திப்பு, மணப்பாறை பேருந்து நிலையப் பகுதியில் நகர திமுக வரவேற்பு, மாட்டுச்சந்தை பாா்வையிடல், மணப்பாறை முறுக்கு செய்யுமிடத்தைப் பாா்வையிடல் ஆகிய நிகழ்ச்சிகள் நடைபெறுகின்றன. இத்தகவலை அன்பில் மகேஷ்பொய்யாமொழி அறிக்கையில் தெரிவித்தாா்.