அதிமுகவில் இணைந்த மாற்றுக் கட்சியினா்

அதிமுக திருச்சி புறநகா் தெற்கு மாவட்ட அலுவலகத்தில் வியாழக்கிழமை நடைபெற்ற நிகழ்ச்சியில் மாற்றுக் கட்சிகளைச் சோ்ந்தோா் அதிமுகவில் இணைந்தனா்.

திமுக ஒன்றியத் துணைச் செயலா் கே. முருகேசன், மகளிரணி துணைச் செயலா் உத்தமி, மகளிா் தொண்டரணிச் செயலா் தனலட்சுமி கருப்புசாமி, ஊராட்சி துணைச் செயலா் ஆா்.கே. பழனிசாமி, வாா்டு உறுப்பினா் எம். முத்து உள்ளிட்டோா், காங்கிரஸ் கட்சியைச் சோ்ந்த முன்னாள் கவுன்சிலா் சகாயமேரி டேவிட் உள்ளிட்டோா், அமமுகவைச் சோ்ந்த ஊராட்சி செயலா் ம. சம்பத், ராசம்மாள் உள்ளிட்ட 60 க்கும் மேற்பட்டோா் தெற்கு புறநகா் மாவட்டச் செயலா் ப. குமாா் முன்னிலையில் அதிமுகவில் இணைந்தனா்.

ஏற்பாடுகளை திருவெறும்பூா் கிழக்கு ஒன்றியச் செயலா் எஸ்.எஸ். ராவணன், ஒன்றிய மாணவரணிச் செயலா் டாக்டா் எஸ்விஏ. பிரகாஷ் ஆகியோா் செய்தனா்.