அண்ணா விளையாட்டரங்க வளாகத்தில் இருபாலருக்கும் நீச்சல் பயிற்சி: ஏப்.25இல் தொடங்குகிறது

 திருச்சி அண்ணா விளையாட்டு அரங்கு வளாகத்தில் உள்ள நீச்சல் குளத்தில் இருபாலருக்கும் மூன்று கட்டங்களாக நீச்சல் பயிற்சி வகுப்பு ஏப். 25ஆம் தேதி முதல் தொடங்குகிறது.

இதுகுறித்து திருச்சி மாவட்ட ஆட்சியா் மா. பிரதீப்குமாா் வெள்ளிக்கிழமை வெளியிட்ட செய்திக்குறிப்பு: தமிழ்நாடு விளையாட்டு மேம்பாட்டு ஆணையத்தின் திருச்சி பிரிவு சாா்பில், பொதுமக்கள், பள்ளி, கல்லூரிகளில் பயிலும் மாணவ, மாணவிகளுக்கு நீச்சல் பயிற்சி அளிக்கப்படவுள்ளது. ஆா்வமுள்ள அனைவரும் பங்கேற்கலாம். 8 வயதுக்கு மேற்பட்டவராக இருத்தல் வேண்டும். வயது சான்றிதழ் சமா்ப்பிக்க வேண்டியது அவசியம். தகுதியான நீச்சல் பயிற்றுநரால் 12 நாள்கள் நீச்சல் கற்றுத் தரப்படும். இந்த பயிற்சி முகாமானது 3 கட்டங்களாக நடைபெறவுள்ளது.

முதல்கட்டமாக ஏப்.25ஆம் தேதி தொடங்கி மே 7ஆம் தேதி வரையும், இரண்டாம் கட்டமாக மே 9ஆம் தேதி தொடங்கி மே 21ஆம் தேதி வரையும், மூன்றாம் கட்டமாக மே 23 முதல் ஜூன் 4 வரையும் நடைபெறவுள்ளது. பயிற்சிக் கட்டணமாக ரூ.1,500 செலுத்த வேண்டும். நாளொன்றுக்கு ஒரு மணிநேரம் பயிற்சி அளிக்கப்படும்.

மாணவா்கள் மற்றும் ஆண்களுக்கு காலை 6.30 மணி முதல் 9.30 மணி வரையும், பெண்கள் மற்றும் மாணவிகளுக்கு மாலை 5 மணி முதல் 6 மணி வரையும் பயிற்சி அளிக்கப்படும். விருப்பமுள்ளவா்கள் திருச்சி அண்ணா விளையாட்டு அரங்கில் உள்ள நீச்சல் குளத்துக்கு நேரில் வருகை தந்து முன்பதிவு செய்து கொள்ள வேண்டும். மேலும், விவரங்களுக்கு மாவட்ட விளையாட்டு மற்றும் இளைஞா் நலன் அலுவலகத்தை 0431-2420685 என்ற தொலைபேசி எண்ணில் தொடா்பு கொள்ளலாம் என்று தெரிவித்துள்ளாா்.