அகில இந்திய கம்யூ.  கட்சியினர் ஆர்ப்பாட்டம்

சிதம்பரம் கோட்டாட்சியர் அலுவலகம் எதிரே அகில இந்திய கம்யூனிஸ்ட் கட்சியினர் செவ்வாய்க்கிழமை  ஆர்ப்பாட்டத்தில் ஈடுபட்டனர்.
ஆர்ப்பாட்டத்துக்கு கே.குலோத்துங்கன் தலைமை வகித்தார். நிர்வாகிகள் து.கஜேந்திரன், செ.தியாகராஜன், சக்திவேல், அரும்பு, தனம், கே.சுமதி உள்ளிட்டோர் முன்னிலை வகித்தனர். அகில இந்திய கம்யூனிஸ்ட் கட்சியின் தேசிய அமைப்பு பொதுச் செயலர் ஜி.பூராசாமி கண்டன உரையாற்றினார். அமைப்புச் செயலர் எம்.ஆதிமூலம், பி.பாலசந்தர், ஆர்.வீரப்பன் உள்ளிட்டோர் பங்கேற்றனர்.
ஆர்ப்பாட்டத்தில் சிதம்பரம் அருகே உள்ள சி.தண்டேஸ்வரநல்லூர் கிராமத்தில் அனைவருக்கும் 100 நாள்கள் வேலை வழங்கவேண்டும். சி.தண்டேஸ்வரநல்லூர், நாகக்சேரிகுளம், ஆலாங்குளத் தெரு ஆகிய பகுதியில் வசிக்கும் ஆதிதிராவிட மக்களுக்கு இலவச வீட்டுமனைப் பட்டா வழங்க வேண்டும். சிதம்பரம் அருகே புதுக்குப்பம் உள்ளிட்ட மீனவக் கிராமங்களில் வசிக்கும் மக்களின் வாழ்வாதாரத்தைப் பாதிக்கும் தனியார் மின் உற்பத்தி நிலையத்தை மூட வேண்டும் என்பன உள்ளிட்ட கோரிக்கைகள் வலியுறுத்தப்பட்டன. எம்.ரமேஷ் நன்றி கூறினார்.