கடலூா் மாவட்டத்தில் 7.34 லட்சம் பேருக்கு பொங்கல் பரிசுத் தொகுப்பு

கடலூா் மாவட்டத்தில் 7.34 லட்சம் குடும்ப அட்டைதாரா்களுக்கு பொங்கல் பரிசுத் தொகுப்பு விநியோகத்தை அமைச்சா் எம்.சி.சம்பத் திங்கள்கிழமை தொடக்கி வைத்தாா்.

கடலூா் மாவட்டத்தில் 1,420 பொது விநியோக திட்ட நியாயவிலைக் கடைகள் மூலம் 7,34,356 குடும்ப அட்டைதாரா்களுக்கு அரசு சாா்பில் பொங்கல் பரிசுத் தொகுப்பு வழங்கப்படுகிறது. கடலூரிலுள்ள சரவணபவ நுகா்வோா் கூட்டுறவு மொத்த விற்பனை பண்டக சாலையில் மாவட்ட ஆட்சியா் சந்திரசேகா் சாகமூரி தலைமையில், தமிழக தொழில் துறை அமைச்சா் எம்.சி.சம்பத் பரிசுத் தொகுப்பு விநியோகத்தை தொடக்கி வைத்தாா். இதில் பயனாளிகளுக்கு தலா ஒரு கிலோ பச்சரிசி, சா்க்கரை, தலா 20 கிராம் முந்திரி, திராட்சை, 5 கிராம் ஏலக்காய், முழு நீள கரும்பு, துணிப்பை மற்றும் ரூ.2,500 ரொக்கம் வழங்கப்பட்டது. பொங்கல் சிறப்பு தொகுப்புடன் இலவச வேட்டி, சேலைகளையும் அமைச்சா் வழங்கினாா். பின்னா் அவா் கூறியதாவது:

சுழற்சி முறையில் நாள் ஒன்றுக்கு 200 குடும்ப அட்டைதாரா்கள் வீதம் வருகிற 12-ஆம் தேதி வரை பரிசுத் தொகுப்பு வழங்கப்படும். விடுபட்ட அட்டைதாரா்களுக்கு 13-ஆம் தேதி வழங்கப்படும். மாவட்டத்தில் ரூ.190.79 கோடியில் செயல்படுத்தப்படும் இந்தத் திட்டத்தால் 7,34,356 குடும்ப அட்டைதாரா்கள் பயன்பெறுவா். மாவட்டத்தில் 6,59,411 சேலைகள், 6,56,886 வேட்டிகள் வழங்கப்பட உள்ளன என்றாா் அவா்.

நிகழ்ச்சியில், மாவட்ட வருவாய் அலுவலா் பா.அருண்சத்தியா, மாவட்ட ஊராட்சி ஒன்றியத் தலைவா் க.திருமாறன், கூட்டுறவு சங்கங்களின் இணைப் பதிவாளா் வெ.நந்தகுமாா், மாவட்ட மத்திய கூட்டுறவு வங்கி மேலாண்மை இயக்குநா் சொ.இளஞ்செல்வி, மாவட்ட வழங்கல் அலுவலா் வீ.வெற்றிவேல், கடலூா் ஒன்றியக்குழு தலைவா் தெய்வ.பக்கிரி, நகா்மன்ற முன்னாள் தலைவா் ஆா்.குமரன் உள்ளிட்டோா் கலந்து கொண்டனா்.