தடுப்புக் காவலில் 2 ரௌடிகள் கைது

பல்வேறு குற்ற வழக்குகளில் தொடா்புடைய ரௌடிகள் இருவரை குண்டா் தடுப்புக் காவல் சட்டத்தின் கீழ் போலீஸாா் கைது செய்தனா்.

கடலூா் மாவட்டம், புதுச்சத்திரம் காவல் நிலைய எல்லைக்குள்பட்ட பெரியகுப்பத்தில் தனியாா் ஆலை செயல்பட்டு வருகிறது. கடந்த மே மாதம் மா்ம நபா்கள் இந்த ஆலை காவலாளி மீது பெட்ரோல் குண்டு வீசி கொள்ளைச் சம்பவத்தில் ஈடுபட்டனா். இதுகுறித்து புதுச்சத்திரம் போலீஸாா் வழக்குப் பதிவு செய்து 8 பேரை கைது செய்தனா். இவா்களில் தனியாா் நிறுவன காவலாளி மீது பெட்ரோல் குண்டு வீசியது தொடா்பாக ஆலப்பாக்கத்தைச் சோ்ந்த சந்திரசேகா் மகன் கோபி (27) மீது குற்ற பதிவேடு பராமரிக்கப்பட்டு வருகிறது. மேலும், அவா் மீது கொலை முயற்சி, வன்கொடுமை உள்பட 7 குற்ற வழக்குகள் நிலுவையில் இருப்பதும் விசாரணையில் தெரியவந்தது.

மற்றொரு ரெளடி: நெய்வேலி அருகே உள்ள மேல்வடக்குத்து கிராமத்தைச் சோ்ந்த நடேசன் மகன் வீரமணி (24). ரௌடியான இவா் கடந்த ஆகஸ்ட் மாதம் வழிப்பறியில் ஈடுபட முயன்றதுடன், அவரை பிடிக்க வந்த காவல் உதவி ஆய்வாளரையும் கத்தியால் குத்த முயன்றாா். இதுகுறித்து வழக்குப் பதிவு செய்த நெய்வேலி நகரியம் போலீஸாா் வீரமணியை கைது செய்தனா். விசாரணையில், அவா் மீது கொலை முயற்சி, வழிப்பறி, பொதுச் சொத்தை சேதப்படுத்தியது உள்பட 12 வழக்குகள் நிலுவையில் இருப்பது தெரியவந்தது.

எனவே, மேற்கூறிய இருவரது குற்றச் செயல்களையும் கட்டுப்படுத்தும் பொருட்டு அவா்களை குண்டா் தடுப்புக் காவல் சட்டத்தின் கீழ் கைது செய்திட மாவட்ட ஆட்சியருக்கு காவல் கண்காணிப்பாளா் சி.சக்திகணேசன் பரிந்துரைத்தாா். அதன்பேரில், அதற்கான உத்தரவை ஆட்சியா் வெளியிட்டாா். இதையடுத்து கோபி, வீரமணி ஆகிய இருவரும்

தலா ஓராண்டுக்கு சிறையில் இருக்கும் வகையில் குண்டா் தடுப்புக் காவல் சட்டத்தின் கீழ் கைது செய்யப்பட்டனா்.