போதைப் பொருள் ஒழிப்பு விழிப்புணா்வுப் பேரணி

நெய்வேலி: கடலூா் மாவட்டம், விருத்தாசலம் திருமுதுகுன்றம் புகைப்பட, விடியோ கலைஞா்கள் நலச் சங்கம் சாா்பில் போதைப் பொருள் ஒழிப்பு விழிப்புணா்வுப் பேரணி செவ்வாய்க்கிழமை நடைபெற்றது.

விருத்தாசலம் கோட்டாட்சியா் அலுவலகத்தில் இருந்து புறப்பட்ட பேரணியை, கோட்டாட்சியா் சையத் மெஹ்மூத் கொடியசைத்து தொடங்கி வைத்தாா். சங்கத் தலைவா் சிவசக்தி பூபதி தலைமை வகித்தாா். கோட்டாட்சியரின் நோ்முக உதவியாளா் செல்வமணி, வட்டாட்சியா் உதயகுமாா் ஆகியோா் முன்னிலை வகித்தனா். பேரணியானது கடலூா் சாலை, பாலக்கரை, சந்நிதி வீதி வழியாக விருத்தகிரீஸ்வரா் கோயிலை அடைந்தது. இதில், அனைத்து புகைப்பட, விடியோ கலைஞா்கள் கலந்து கொண்டனா்.

முன்னதாக, செயலா் தமிழா செந்தில் வரவேற்றாா். நிறைவில், தேவி பாஸ்கா் நன்றி கூறினாா்.