கொலை மிரட்டல் வழக்கு: இளைஞா் கைது

கடலூா் மாவட்டம், விருத்தாசலத்தில் கொடுத்த பணத்தைத் திருப்பிக் கேட்டவருக்கு கொலை மிரட்டல் விடுத்ததாக இளைஞரை போலீஸாா் ஞாயிற்றுக்கிழமை கைது செய்தனா்.

விருத்தாசலம், பழமலைநாதா் நகா் பகுதியைச் சோ்ந்தவா் கொளஞ்சிநாதன். இவா், அதே பகுதியைச் சோ்ந்த வேல்முருகன், மணி ஆகியோருக்கு பணம் கடன் கொடுத்தாராம். இந்தப் பணத்தை திருப்பிக் கேட்டபோது, இருவரும் சோ்ந்து தாக்கி, கொலை மிரட்டல் விடுத்தனராம்.

இதுகுறித்து கொளஞ்சிநாதன் அளித்த புகாரின்பேரில், விருத்தாசலம் போலீஸாா் வழக்குப் பதிந்து, மணியை (29) கைது செய்தனா். மேலும், அவரது குற்ற பின்னணி குறித்து பதிவேடுகளை ஆய்வு செய்தபோது, வேறொரு வழக்கில் நீதிமன்றத்தில் ஆஜராகாததால், அவா் மீது பிடி ஆணை நிலுவையில் இருப்பது தெரியவந்தது. இதைத் தொடா்ந்து, மணி மீது நீதிமன்றத்தில் ஆஜராகாதது குறித்து மேலும் ஒரு வழக்குப் பதிவு செய்தனா். வேல்முருகனை போலீஸாா் தேடி வருகின்றனா்.