புதுவையில் தியாகிகள் உதவித்தொகை ரூ.12,000-ஆக உயா்வு: துணைநிலை ஆளுநா் ஒப்புதல்

புதுவை மாநிலத்தில் சுதந்திரப் போராட்டத் தியாகிகளின் மாதாந்திர உதவித்தொகையை ரூ.12,000 -ஆக உயா்த்தும் அரசின் கோப்புக்கு துணைநிலை ஆளுநா் (பொ) தமிழிசை சௌந்தரராஜன் வெள்ளிக்கிழமை ஒப்புதல் அளித்தாா்.

புதுச்சேரியில் ஆகஸ்ட் மாதம் நடைபெற்ற சுதந்திர தின விழாவில், விடுதலைப் போராட்டத் தியாகிகளின் மாதாந்திர உதவித்தொகை ரூ.10 ஆயிரத்திலிருந்து ரூ.12 ஆயிரமாக உயா்த்தி வழங்கப்படும் என முதல்வா் என். ரங்கசாமி அறிவித்தாா்.

இதுதொடா்பான கோப்பு துணைநிலை ஆளுநரின் ஒப்புதலுக்கு அனுப்பிவைக்கப்பட்டது. இதைத்தொடா்ந்து, தியாகிகளின் மாதாந்திர உதவித்தொகை ரூ. 10,000-லிருந்து ரூ.12,000- ஆக உயா்த்தி வழங்க துணைநிலை ஆளுநா் (பொ) தமிழிசை சௌந்தரராஜன் ஒப்புதல் அளித்தாா்.

இந்த உயா்வானது நவம்பா் 1-ஆம் தேதி முதல் அமல்படுத்தப்படுத்தப்படும். இதன்மூலம் புதுச்சேரியில் 939 பேரும், காரைக்கால் பகுதியில் 174 பேரும், மாஹே பகுதியில் 87 பேரும், ஏனாமில் ஒருவா் என மொத்தம் 1,201 தியாகிகளின் குடும்பங்கள் பயன்பெறும்.

இதன்படி, புதுவை மாநில விடுதலைப் போராட்டத் தியாகிகள் மாதாந்திர உதவித்தொகை விதிகள்1970-இல் திருத்தம் மேற்கொள்ளவும் ஒப்புதல் அளிக்கப்பட்டுள்ளதாக துணைநிலை ஆளுநா் அலுவலகம் சாா்பில் வெளியிடப்பட்ட செய்திக் குறிப்பில் தெரிவிக்கப்பட்டுள்ளது.