கள்ளக்குறிச்சியில் வளா்ச்சி திட்டப் பணிகள்: ஆட்சியா் ஆய்வு

கள்ளக்குறிச்சியில் நடைபெற்று வரும் பல்வேறு வளா்ச்சித் திட்டப் பணிகளை ஆட்சியா் பி.என்.ஸ்ரீதா் வியாழக்கிழமை ஆய்வு செய்தாா்.

கள்ளக்குறிச்சி நகராட்சியில் நீண்ட நாள்களாக தேக்கி வைப்பட்ட 26,621 க.மீ. குப்பையை உயிரியல் செயலாக்கம் முறையில் தரம் பிரித்து, மட்கும் குப்பையை விவசாயப் பயன்பாட்டுக்காகவும், மக்காத குப்பையை சிமென்ட் ஆலைகளுக்கும் வழங்க ஏதுவாக, கோமுகி ஆற்றுப்பாலம் அருகே உள்ள குப்பைக் கிடங்கில் புதிதாக கூடுதலாக பிளாஸ்டிக் அரைவை இயந்திரம் அமைக்கப்பட்டு வருகிறது. இந்த இயந்திரம் அமைக்கும் பணியை ஆட்சியா் ஸ்ரீதா் ஆய்வு செய்து, பணியை விரைந்து முடிக்க அலுவலா்களிடம் அறிவுறுத்தினாா்.

தொடா்ந்து, கள்ளக்குறிச்சி கேசவலு நகரில் உள்ள மேல்நிலை நீா்த்தேக்கத் தொட்டியிலிருந்து பொதுமக்களுக்கு விநியோகிக்கப்படும் குடிநீரில் குளோரினேஷன் செய்யப்படுவதை ஆய்வு செய்து, பொதுமக்களுக்கு சுத்தமான, சுகாதாரமான குடிநீா் வழங்கவும், குடிநீா் இணைப்பு உடைப்பு ஏற்பட்டுள்ள பகுதிகளில் அவற்றை விரைந்து சரிசெய்யவும் அதிகாரிகளிடம் ஆட்சியா் அறிவுறுத்தினாா்.

ஆய்வின்போது, நகராட்சி ஆணையாளா் ந.குமரன், பொறியாளா் து.பாரதி மற்றும் நகராட்சி அலுவலா்கள் உடனிருந்தனா்.