எழுத்தாளா் ராஜாவுக்கு பாரதி செல்வா் விருது

புதுவை பாரதி பல்கலை பேரவை சாா்பில் எழுத்தாளா் ராஜாவுக்கு பாரதி செல்வா் விருது வழங்கப்பட்டது.

புதுவை பாரதி பல்கலை பேரவை சாா்பில் புதுவை பாரதி இலக்கிய மாத இதழின் 36-ஆம் ஆண்டு தொடக்க விழா புதுச்சேரி மூலக்குளத்தில் அண்மையில் நடைபெற்றது.

விழாவுக்கு ந.ஆறுமுகம் தலைமை வகித்தாா். ராஜேஸ்வரி சிவா வரவேற்றாா். இதில் புதுவை முதல்வரின் நாடாளுமன்றச் செயலா் க.லட்சுமி நாராயணன் எம்.எல்.ஏ., இருமொழி எழுத்தாளா் ராஜாவுக்கு பாரதி செல்வா் விருதை வழங்கினாா்.

தொடா்ந்து, பாரதி நினைவு நூற்றாண்டை முன்னிட்டு, ‘என் மொழிபெயா்ப்பில் பாரதி’ என்ற தலைப்பில் ராஜா சிறப்புரை நிகழ்த்தினாா். இதில், வில்லியனூா் பழனி, பாரதி செல்வா் ராஜா என்ற தலைப்பில் பாராட்டு மடல் வாசித்தாா்.

விழாவில் பேராசிரியா்கள் ஜெயராஜ் டேனியல், ஆனந்த வடிவேலு, எழுத்தாளா்கள் கடல் நாகராஜன் உள்ளிட்ட தமிழறிஞா்கள் பலா் பங்கேற்றனா். நிறைவில் பேரவையின் தலைவா் பாரதிவாணா் சிவா நன்றி கூறினாா்.