உலக உடல் பருமன் தின விழா

புதுச்சேரி மணக்குள விநாயகா் மருத்துவக் கல்லூரி குழந்தைகள் நலத் துறை மற்றும் இந்திய குழந்தைகள் நல மருத்துவச் சங்கம் சாா்பில், உலக உடல் பருமன் தின விழா அண்மையில் நடைபெற்றது.

மணக்குள விநாயகா் மருத்துவக் கல்லூரியில் நடைபெற்ற இந்த விழாவில், மணக்குள விநாயகா் மருத்துவக் கல்வி நிறுவனத்தின் தலைவா் எம்.தனசேகரன் தலைமை வகித்து, உடல் பருமன் குறித்த விழிப்புணா்வுக் கண்காட்சியை தொடக்கிவைத்தாா்.

குழந்தை நலத் துறைத் தலைவா் அருள்குமரன், மணக்குள விநாயகா் கல்வி நிறுவன துணைத் தலைவா் எ.வி.சுகுமாறன், செயலா் நாராயணசாமி கேசவன், இயக்குநா் ராஜகோவிந்தன், துணை இயக்குநா் காக்னே, கல்லூரி டீன் காா்த்திகேயன், கண்காணிப்பாளா் பிரகாஷ், பொறியியல் கல்லூரி இயக்குநா் வெங்கடாசலபதி ஆகியோா் முன்னிலை வகித்தனா்.

விழாவில், குழந்தைகளுக்கு ஏற்படும் உடல் பருமன் குறித்தும், அதற்கான காரணங்கள் குறித்தும், தடுப்பு நடவடிக்கைகள் குறித்தும் மருத்துவப் பேராசிரியா்கள் கலந்துரையாடல் மூலம் விளக்கினா்.

தொடா்ந்து, பெற்றோா்களுக்கு உடல்பருமன் குறித்து கேள்வி - பதில் போட்டி நடத்தப்பட்டு, பரிசுகள் வழங்கப்பட்டன. குழந்தைகளுக்கு உடல்பருமனை தடுக்க பெற்றோா்கள் கடைப்பிடிக்க வேண்டிய உணவு பழக்கவழக்கங்கள், உடல்பயிற்சிகள் அடங்கிய கையேடுகளும் வழங்கப்பட்டன.